Алфи ги чуваат пратениците во судница

Добивај вести на Viber

Десетици “алфи” ги чуваат пратениците Крсто Муковски, Љубен Арнаудов и Сашо Василевски во судница, на денешното рочиште за случајот “27 април”.

За разлика од претходните рочишта, кога присуството на полицијата во судница беше минимално, денеска по гласањето на пратениците во Собранието за отпочнување на уставните измени тие ја исполнија големата судица.

На денешното рочиште е предвидено да се изведуваат докази предложени од обвинителството.

Пратеникот Љубен Арнаудов, обвинет за случувањата од 27 април во Собранието, денеска пред почетокот на рочиштето изјави дека не смета оти некој е предавник.

Истакна дека не е точно дека имале закани и дека примиле пари за да гласаат за отпочнување на процедурата за уставни измени во петокот вечерта.

– Ништо не е ветувано за случајот 27 април и затоа не сакам да давам никакви информации. Доаѓаме тука да докажеме дека сме невини, изјави Арнаудов.

Тој додаде дека нема да се меша во судските одлуки.

– Верувам во судот и тоа што ќе го донесе како одлука ќе го почитуваме и ќе ги користиме сите правни лекови, потенцира Арнаудов, кој посочи дека го обезбедува полицијата по службена должност.