Алиталија си оди: Скопје остана без директен лет до Рим
Објавено во: Економија 17 Ноември, 2016
Италијанскиот национален авио-превзоник „Алиталија“ ги укинува директните летови на линијата Рим-Скопје поради помала продажба на билети од очекуваното.
Ова е третиот авио-превозник кој ги укина летовите од Скопје во зимскиот ред на летање, откако пред две недели швајцарскиот „Свис“ и чешкиот „Чех Ерлајнс“ ставија стоп на линиите од Женева, односно од Прага за главниот град Скопје.
Линијата на „Алиталија“ меѓу Рим и Скопје беше воведена пред две и пол години.
Со откажување од овие линии Скопје ќе биде поврзано преку нискобуџетната унгарска авиокомпнија Визер, со летови до двата града - Милано и Венеција.
Причина за малата продажба субвенциите на Владата?
Владата од 2012 година почна да му дава субвенции на унгарскиот авиопревозник Визер, а претставник на австриската авиокомпанија „Остраиан ервејс“ ја обвини Владата дека поттикнува нелојална конкуренција во авио сообраќајот.
ЕК потврди дека во почетокот на оваа година започна истрага во врска со политиките на владата за субвенционирања.