Алтхаузер: Поддршка за СЈО и еднаква правда за сите

Добивај вести на Viber

Германската амбасадорка во Македонија, Кристине Алтхаузер, која учествуваше на завршната конференција од проектот „Поддршка за ефикасна превенција и борба против корупцијата“, во организација на ДКСК, порача дека пратениците треба да ја поддржат работата на СЈО за да има еднаква правда за сите. „Долготрајната политичка криза може да се реши само со владеење на правото“, смета таа.

- Правната отчетност претставува основен дел од демократијата и од владеењето на правото. Без тоа не може да постои трајно решение на кризата. Обвинителскиот систем треба да работи во интерес на граѓаните, а тоа значи да ги санкционира сторителите и да заплени незаконски стекнат имот“, изјави денеска Алтхаузер.

Евроабасадорот Самуел Жбогар истакна дека напредокот на земјава е можен само доколку сите важни општествени групи и поединци ѝ кажат „не“ на корпуцијата, што е едно од главните барања за пристапување кон Европската Унија.

- Борбата против корупцијата е едно од главните барања за пристапување кон ЕУ. Скорешните извештаи покажуваат дека земјите-кандидатки страдаат од слаб капацитет и од недоволна независност на судството, на институциите и на органите за спроведување на законите, на слободата на медиумите и им попречуваат на напорите за спречување на корупцијата, посочи Жбогар.

Првиот антикорупционер Игор Тантуровски, пак изјави дека Анткорупциската комисија ќе постапува по оние предмети од СЈО што ќе се достават до нив.

- Постапуваме и ќе постапуваме согласно она што е доставено до нас, рече Тантуровски.