АМАН и денеска излегува на протести

Добивај вести на Viber

АМАН и денеска ќе излезат на протести против поскапувањата на струјата, парното, бензините и како што велат, наглото намалување на стандардот кај македонските граѓани. Секој вторник, веќе по 8-ми пат, од граѓанската иницијатива најавуваат дека и овојпат сите засегнати ќе се соберат на старото место-пред Регулаторната комисија и ЕВН, во непосредна близина на портата Македонија, во 18 часот. Иако на почетокот реакциите беа слаби, два месеци подоцна, на оваа граѓанска иницијатива поддршка дадоа повеќе здруженија и организации. Под мотот „Аман -доста е!“ од АМАН бараат: Да се укине ставката ангажирања моќност од 33%. Да се врати евтина дневна тарифа. Да се врати цената на струјата на ниво од 2008 година. Да се запре со приватизација или докапитализација на целиот енергетски сектор кој е во сопственост на Република Македонија. Да се инвестира во одржливи извори на енергија . Итно да се повлече новиот правилник на Топлификација. Да се врати цената на парното на ниво од 2008 година. Да се намалат цените на горивата во согласност со стандардот на живеење.