Американската федерална управа за авијација наметнува драстични мерки за Јунајтед ерлајнс по безбедносните инциденти

Добивај вести на Viber

Американската федерална управа за авијација (FAA) размислува за драстични мерки за да го спречи растот на United Airlines Holdings по серијата безбедносни инциденти, вклучително и спречување на авиокомпанијата да воведе нови линии покрај оние за кои авиокомпанијата веќе има продадено билети.

Претставниците на ФАА разговарале со раководството на авиокомпанијата за привремените мерки што би можело да ги преземе регулаторното тело, пренесува Блумберг, повикувајќи се на извори запознаени со ова прашање.

ФАА веќе ја суспендираше способноста на Јунајтед да издава сертификати на пилотите за летање со различни модели на авиони, рекоа неименуваните извори.

Предложените мерки практично ќе го запрат растот на неодредено време на една од најголемите американски авиокомпании, како дел од засилената контрола на безбедноста на комерцијалната авијација по серијата безбедносни инциденти.

Меѓу инцидентите на Јунајтед само овој месец, авион во Хјустон се лизна од сообраќајницата во тревна област, додека друг авион имаше издувување на гума по полетувањето од Сан Франциско.

Авион на релација Хјустон-Флорида морал принудно да слета откако еден од неговите мотори почнал да исфрла пламен, според Блумберг.

ФАА најави истраги за тие и други инциденти.

Агенцијата веќе планира да го зголеми надзорот на Јунајтед ерлајнс во наредните недели за да ги разгледа процедурите, прирачниците и капацитетите, се вели во соопштението на авиокомпанијата до вработените.

Саша Џонсон, потпретседател за корпоративна безбедност на Јунајтед, изјави дека ФАА планира и „да паузира различни активности за сертификација на одреден временски период“, без да прецизира кои.