АНА-МПА: Заев и Ципрас кандидати за Нобел
Објавено во: Македонија 02 Октомври, 2018
Македонскиот премиер Зоран Заев и неговиот грчки колега Алексис Ципрас се едни о0д кандидатите за Нобелова награда на мирот, потврдил за АНА-МПА специјалниот уредник на изданието за овие признанија Виктор Нумелин, кој е новинар во шведската новинска агенција ТТ.
- Тешко е да се каже кој е кандидат, а кој не е. Јавна тајна е дека имињата им се споменуваат за наградата. Секоја година се прават многу предлози и дискусии за наградата... Оваа година зборуваме многу за Корејскиот полуостров, за миграцијата, за ситуацијата меѓу Македонија и Грција и нивните меѓусебни преговори, изјави шведскиот новинар.
Тој додава дека комисијата веќе разгледува и можна опција наградата за мир да биде дадена на премиерите на двете држави.
- Би било идеално наградата за мир да им биде дадена на двајцата премиери од двете држави или на некој друг кој учествувал во преговорите, изјави Нумелин.
Тој наведува дека постигнатиот договор во мошне тешко опкружување е за почит иако се уште не е имплементиран.