Андреевски: Тврдењата на Пишев се целосна лага, барам извинување

Добивај вести на Viber

Митко Андреевски, сопственик на компанијата Си-ен-џи системс ги демантира тврдењата на Васил Пишев од ВМРО-ДПМНЕ  и ги нарече целосна лага која има политичка

заднина,  а  со  цел  прикажување  на  лажни  вести  за   манипулација  на јавноста. 

„Паднаа во вода лагите за 2.5 милони профит, па денес сме сведоци на нова серија  лаги.  И  за  оваа  серија  на  лаги  очекувам  извинување  до  мене, фирмата Си ен џи и компанијата Галилео С.А која ја претставуваме. За јавноста ги доставувам следните факти: Си Ен Џи системс ги  исполнува сите  предвидени услови  во тендерската документација,  под  реден  број  05-29/10, објавена во БЈН и Европско гласило а истата е  регистрирана  како економски оператор во Бирото за јавни набавки. Наводната  фирма  како  што  ја  нарекува  г-дин  Пишев  „Галилео  С.А“  е светски  позната  компанија  и  истата  е  посетена  во  2013  год  лично  од Никола  Груевски  и  Зоран  Ставревски  и  на  таа  средба  е  разговарано  за проектот  во  Струмица.  За  таа  средба  се  надевам  постојат  и  соодветни записници за кои г-дин Пишев требал  да праша во Владата на РМ. Посочувам дека пазарот на природен гас е либерализиран и не е возможно да се фаворизира одредена компанија, ако таа не е способна да реализира ваков тип на снабдување со природен гас. Барам г-динот Пишев да се извини во рок од три дена за грубите лаги со кои сака да и наштети на компанијата со којашто раководам и кон мене лично,  во  спортивно  против  него  ќе  биде  покрената  кривична  пријава за лажно пријавување, како и за клевета“ - вели Андреевски. 

Претходно Пишев обвини дека има скандал со јавното претпријатие „Струмица -Гас“ и според него,  милионски суми се одлеале од општинската каса на сметка на Си-Ен-Џи Системс.