Англиски за ТОЕФЛ ќе се полага во Тетово, сертификатот чини 70 евра

Добивај вести на Viber

Со потпишување на Меморандум за соработка, меѓу Универзитетот на Југоисточна Европа во Тетово  и  ЕТС Глобал од Албанија, универзитетот доби право да прави испити по англиски јазик и да ги издава меѓународно признените сертификати ТОЕФЛ.

За сертификат ќе може да полагаат не само за студентите,  туку и за сите други заинтересирани граѓани кои имаат потреба од документ за познавање на англискиот јазик, посочи заменик министерот за образование Сафет Незири кој присуствуваше на потпишувањето на меморандумот. ЕТС Глобал е меѓународна организација за тестирање, која има лиценца за спроведување  тестови како ТОЕФЛ, ТОЕИК и ГРЕ. „Со ТОЕФЛ што е стадардизиран тест можете да го докажете вашето познавањена англискиот јазик во сите облици ма комуникација што е многу важно за вашата професионална кариера. Преку инструментт ТОЕФЛ им се овозможува на предавачите да ги тестираат студентите во согласност со нивните знаења и компетенции бидејќи тие имаат различни знаења и нивоа на познавање на сегменти од јазикот. За сите различни вештини што се тестираат има соодветна скала. Важна е глобалната перспектива односно кандидатот се здобива со сертификат за познавање на меѓународно сттандардизираниот англиски јазик а не некоја од варијантите - британски, американски, австралиски или слично,“ изјави директорката на централата на ЕТС Глобал, Лизеила Мартијин. Тестирањата се состојат од четири дела, читање, слушање, говорење и пишување. Цената што заинтересираните треба да ја платат за полагање на тестот за  ТОЕФЛ и ТОЕИК  е 70 односно 140 евра.