ГЛАСАЈТЕ: Градски Трговски центар да биде во барок или со модерен изглед?

Добивај вести на Viber

Изминативе денови бевме сведоци на поширока дебата за тоа каков треба да биде идниот изглед на ГТЦ, дали треба да се преоблече во барок, или пак да се реконструира, а да го задржи актуелниот архитектонски изглед? Читателите на Фактор своето мислење можат да го дадат на анкетата која се наоѓа на нашата страница под оваа вест. Додека се подготвува основниот проект за барокната фасада на Градскиот трговски центар во Скопје, архитектите под мотото “Го сакам ГТЦ повеќе од било кога”, се обидуваат да докажат дека не треба да се менува ликот на овој култен објект за скопјани, иако потреба за реконструкција постои. Од друга страна раководството на ГТЦ најави дека основниот проект за реконструкција е при крај и дека наското ќе се распише тендер за избор на изведувач.  Според идејното решение на авторите, фасадата која гледа кон Собранието ќе биде неокласицистички стил со десетици антички столбови, а на кровот ќе има голема тераса со неколку скулптури. И другите страни ќе добијат соодветни украси со брознзени или елементи со златно-жолта боја. Сегашниот објект ГТЦ е изграден според идејното решение на професорот Живко Поповски, кој на конкурсот во 1967 година ја доби наградата за проектот, а ГТЦ е изграден во 1971 година.