Антикорупциска: Груби и уште четворица функционери на ДУИ го прекршиле етичкиот кодекс
Објавено во: Македонија 14 Јануари, 2022
Државната комисија за спрелување на корупција на денешната седница констатираше дека првиот вицепремиер Артан Груби и уште други четворица именувани функционери присуствувале на партиски настан поврзан со локалните избори додека траело нивното работно време.
Покрај Груби, присутни биле Фекми Јонузи, заменик-директор на КПУ Идризово, Абдул Селами, заменик – директор на УЈП, Беким Реџепи, заменик-министер за транспорт и врски, Назим Буши, заменик-министер за внатрешни работи.
Петмината сопартијци од ДУИ постапиле спротивно од Кодексот за етичко однесување за владините членови и носителите на јавни функции именувани од страна на Влада.
Тие на 22 септември учествувале на партиски настан поврзан со изградба на водоводна мрежа во скопското село Долно Количани за време на изборната кампања.
ДКСК функционерите ги пријавила кај претседателот на Владата и до лицето назначено како одговорно за следење на спроведување на Кодексот.