Антикорупциска отвори предмет за улогата на Рашковски во тендерот на М-НАВ
Објавено во: Македонија 05 Август, 2019
Антикорупциската комисија отвори предмет за тоа каква е улогата на владиниот секретар Драги Рашковски во тендерот за набавка на нов безбедносен систем на Македонски навигации, по контроверзите со објавениот прислушкуван материјал.
Станува збор за јавната набавка и инсталација на АТМ ситстемот за управување со воздушниот сообраќај кој ја доби „Леонардо“, а истата наиде на интерес кај ДКСК.
Опозицијата преку некои медиуми реагираше дека Рашковски влијаел на овој тендер, додека владиниот функционер го тврдеше спротивното со објаснување дека бил овластен од Владата да присуствува на состанок со претставници на „Леонардо“.
Државната комисија за спречување на корупцијата го отвора предметот по сопствена иницијатива.