Протест против леарница за алуминиум во Ново Село: Таткото на градоначалникот е изведувач на објектот
Објавено во: Македонија 08 Октомври, 2024
Екоактивистите повикаа на протест против отворање на леарница за алуминиум, кој ќе се одржи во петок 11ти октомври, со почеток во 11:00 пред зградата на општина Ново Село. Од таму велат дека објектот треба да се гради на 80 метри од изворите за вода.
„Со ова почнуваме серија на протести и блокади до конечно запирање на лудиот проект за леарница во општина Ново Село! Наши барања се:1. Запирање на градбата на објектот, 2. Целосна ревизија на проектот со јавно достапни документи, 3. Поништување на фалсификуваната градежна дозвола за објектот и решението од министерството за животна средина“, објавија од „Здрава Котлина“.
Во Ново Село забрзано се гради објект лераница за лиење на одливци од алуминиум и уште еден објект со посебна градежна дозвола каде ќе се носи алуминиумски отпадоци од секаде, ќе се дробат и компресираат. Нема никакви јавни документи и се е скриено и маскирано за тоа што ќе се прави, затоа што е спротивно на законот, кој јасно кажува како е правилно, тврдат од таму.
„Леењето на легури од алуминиум е обоена металургија со законска класификација Г1.3 и која како тешка и загадувачка индустрија не може да се гради на помалку од 5 км од населено место или заштитено подрачје. Дробењето и компресирањето на алуминиум спаѓа во Г2 и тоа е замајувањето што треба да служи како "димна завеса" за да помине и посебниот објект каде ќе се загрева и лее алуминиумот.
Градоначалникот на Ново Село реши да го прекрши законот и иако предупреден од стручни лица, сепак САМОВОЛНО и НЕЗАКОНСКИ, го прогласи објектот каде ќе се загрева и лее алуминиумот за Г2 односно лесна и незагадувачка индустрија, иако во целата класификација на Г2 не постои таков опис!“, сметаат од здружението.
Од „Зелена Котлина“ тврдат дека градоначалникот ги крие документите, а на прашања не одговара, не реагира зошто нема истакнато градежна табла, но затоа праќа кривични пријави за секој што јавно прашува или коментира по социјални мрежи и во исто време ги малтретира граѓаните на Ново Село.
„Изградбата на ЛЕАРНИЦАТА за која е издадена градежната дозвола, ја изведува татко му на градоначалникот и тука во прашање е конфликт на интереси но и трговија со влијание, особено поради постоење на финансиски трансакции пред издавање.
Во секој случај, за сите кривични прекршувања на законот ќе се достават соодветни пријави со докази, но истовремено наше е да ја запреме изградбата на ЛЕАРНИЦАТА и тоа по секоја цена!“, убедени се активистите.
Можеби ќе ве интересира
ДСЗИ ОБЈАВИ ИЗВЕШТАЈ ЗА ПОЧИНАТОТО БЕБЕ: Двапати го носеле на Детската клиника
ДСЗИ ОБЈАВИ ИЗВЕШТАЈ ЗА ПОЧИНАТОТО БЕБЕ: Двапати го носеле на Детската клиника
ИЗБРАНИ ПОРТПАРОЛИ ВО ВЛАДАТА: Оваа функција ќе ја извршуваат Митева и Љатифи Азизи
ИЗБРАНИ ПОРТПАРОЛИ ВО ВЛАДАТА: Оваа функција ќе ја извршуваат Митева и Љатифи Азизи
УАПСЕН Е КОСОВСКИ ДРЖАВЈАНИН: Се сомничи дека го подметнал пожарот во општинската зграда во Тетово
УАПСЕН Е КОСОВСКИ ДРЖАВЈАНИН: Се сомничи дека го подметнал пожарот во општинската зграда во Тетово
ТЕШКА СООБРАЌАЈКА ВО КАВАДАРЦИ - повреден 20-годишен возач на мотоцикл
ТЕШКА СООБРАЌАЈКА ВО КАВАДАРЦИ - повреден 20-годишен возач на мотоцикл
Тачи: Јас бев главен преговарач за Европскиот фронт, ВМРО-ДПМНЕ веднаш одбија
Тачи: Јас бев главен преговарач за Европскиот фронт, ВМРО-ДПМНЕ веднаш одбија
„КАКВА ВРСКА ИМА ПРОМЕНА НА ИМЕ, ЗНАМЕ, УСТАВ СО КОПЕНХАШКИТЕ КРИТЕРИУМИ“: Мицкоски дециден - премногу отстапки кон Бугарија направивме
„КАКВА ВРСКА ИМА ПРОМЕНА НА ИМЕ, ЗНАМЕ, УСТАВ СО КОПЕНХАШКИТЕ КРИТЕРИУМИ“: Мицкоски дециден - премногу отстапки кон Бугарија направивме
„СРЕЌНА 50-КА ДРУЖЕ ЗОРАНЕ“: Зоран Заев слави јубилеен роденден
„СРЕЌНА 50-КА ДРУЖЕ ЗОРАНЕ“: Зоран Заев слави јубилеен роденден
СУМ РАБОТЕЛ ОД СОБИРАЧ НА ПИКАВЦИ, ДО ПРАВЕЊЕ ЗДЕЛКИ ОД СТОТИЦИ МИЛИОНИ ЕВРА, СО НАЈГОЛЕМИОТ КРЕМ ОД ЕВРОПА: Мицкоски вели дека од професорска плата немаше да направи таква куќа
СУМ РАБОТЕЛ ОД СОБИРАЧ НА ПИКАВЦИ, ДО ПРАВЕЊЕ ЗДЕЛКИ ОД СТОТИЦИ МИЛИОНИ ЕВРА, СО НАЈГОЛЕМИОТ КРЕМ ОД ЕВРОПА: Мицкоски вели дека од професорска плата немаше да направи таква куќа
