Апасиев се подновил со нов стан, Муцунски со ауди од 30.000 евра, Михаиловска со седум парцели
Објавено во: Македонија 15 Септември, 2020
Димитар Апасиев, лидерот на Левица, купил стан од 65.000 евра во 2017 од 60 метри квадратни во Скопје, но и има кредит во банка од 3,46 милиони денари подигнат во 2016, според Анкетниот лист кој го пријавил во Државната комисија за спречување на корупцијата. Пратеникот во Антикорупциска навел и дека автомобилот алфа ромео е на неговиот брачен другар, произведен во 2007, и вреди 155.000 денари.
ДКСК ја објави и пријавената имотна состојба на преостанатиот дел од новопечените пратеници во Собранието кои за прв пат наедно стануваат и функционери, а Тимчо Муцунски, секретарот за надворешна политика на ВМРО-ДПМНЕ, поседува ауди Q2 кое е купено во 2018 и безмалку вреди 30.000 евра. Професорот ова возило го пријавил како заеднички имот.
Професорката Гордана Силјановска-Давкова има завидни заеднички депозити во банка, од кои едниот е 55.688 евра и 3.508 долари на девизна штедна книшка, а другиот е 11.523 евра на девизна сметка, според она меѓудругото што го има впишано поранешната кандидатка за претседател на Македонија а сега пратеничка од редовите на ВМРО-ДПМНЕ.
Кога станува збор за пратениците на СДСМ, Марија Костадинова, доскорешна директорка на основно училиште во Миравци, пријавила двократен имот на фирма во вредност од 19,2 милиони денари во истото место во Гевгелија.
Докторката Соња Михаиловска пријавила седум парцели на земјоделско земјиште и едно пасиште, од кои некои доста пространи, во Делчево како имот на брачниот другар но без да ја наведе вредноста на истото. Лолита Ристова од Неготино навела деловен простор во својот град од 2,4 милиони денари. Марија Ангелова од Чаир од личен имот има само девизен депозит од 5.800 евра.
Миле Талевски од Прилеп од личен имот навел само голф 5 кој го купил годинава на старо за 170.000 денари, а Љатифе Шиковска има само кредит од 80.000 денари и стан на брачниот другар од 50.000 евра во Скопје.
За имотот на преостанатите нови пратеници во собранискиот состав може да се прочита овдека.
А:К.
Можеби ќе ве интересира
(ВИДЕО) ГРУБИ СО КУФЕР ДОЈДЕ ПРЕД ОПШТИНА ЧАИР: Сега земете го куферот и одете дома
ЕВЕ ВО КОЈА ОПШТИНА ВАНКОВСКА ГО ПРЕТРКА МАКСИМ, А КОЈ ЕЗЕРСКИ ГРАД СЕ ОПРЕДЕЛИ НАЈСИЛНО ЗА ДАВКОВА - гласање во најголемите места во внатрешноста
Скендер Реџепи: На 8 мај нема да гласам ни за едниот, ни за другиот
„До последно се бореше, следеше настани и не се предаваше“: еве што кажа ќерката на Џаро, за неговите последни денови
КУЌЕН ПРИТВОР И МЕРКА НА ПРЕТПАЗЛИВОСТ ЗА ТАТКОТО НА ВАЊА: Врховен го преиначи решението на Апелација
Кајчев по првиот круг претседателски избори: Можно е да се влошат македонско-бугарските односи
„ЏАРО ИМ ПЛАТИЛ НА ФУДБАЛЕРИ ДА ИГРААТ КАКО ШТО ТОЈ САКА, А ВО МАКЕДОНИЈА НАМЕСТИЛ НАТПРЕВАР ДА ЗАВРШИ 134 НАСПРЕМА НУЛА“: Српските медиуми за Џаровски
ЗА УБИСТВОТО НА ВАЊА: Таткото со нова жалба пред Врховен за притворот
„СО ПУШКА ДОЈДОА НА ВЛАСТ, СО ПЕНКАЛО ДА ГИ ОТЕРАМЕ НА БУНИШТЕТО НА ИСТОРИЈАТА“ - Стојанче Ангелов бара општа мобилизација за „Твоја Македонија“
