Архиепископот г.г. Стефан во Охрид го крштевал синот на лажниот принц од Црна Гора
Објавено во: Македонија 18 Септември, 2018
Синот на лажниот принц на Црна Гора го крштевал Архиепископот г.г. Стефан.
Од Скопје заминал во Охрид да го крштева синот на лажниот принц.
Измамникот кој бил уапсен во Италија во минатото, претходно имал средба со премиерот Зоран Заев во зградата на Владата. Чернетиќ постирал и фотографии од пред зградата на Владата и напишал: „Бевме љубезно поканети оваа недела во Скопје за да дискутираме за дипломатски проекти во Палатата на Владата. Македонија расте толку бргу и е одлична прилика за инвеститори, туризам и бизнисмени“, напишал Чернетиќ.
Од Владата вчера одговорија дека Заев има остварено неофицијална средба од неформален карактер со лицето Стефан Чернетиќ, во рамки на неговите средби и контакти со заинтересирани граѓани.
Италијанската полиција во јуни лани го приведе Чернетиќ поради тоа што со години се претставувал како „принц од Црна Гора и Македонија“ и на тој начин измамил голем број претставници на џет-сетот, живеејќи на нивна сметка и нудејќи им соработка.