Армиските офицери за 700 илјади евра ќе се подноват со нови униформи

Добивај вести на Viber

Армиските офицерите и подофицери ќе добијат нови униформи. Маслинестата боја ја менуваат со темно сина, по германски терк исто како и метеријалот. Така, се посочува дека униформата главно ќе биде изработена од 65 проценти волна и 35 полиестер. Надлежните појаснија дека новите униформи ќе одговараат за сите годишни времиња, а ќе бидат и поелегантни. Ги креирал тим од дизајнери, а првите парчиња ги изработи тетовски „Тетекс“. За да се опремат сите службеници потребни ќе бидат над 700 илјади евра, ако се земе во предвид пријавената цена дека машки комплет од панталони, кошули, палто, капут, шапка, вратоврска чини околу 16 илјади денари, односно за две илјади повеќе кај женските униформи. „Ддел од финансиските средства во буџетот за 2014 година ги имаме обезбедено за првичните работи околу матерјалот и почетната можеби количина за првите униформи до крајот на 2014 година, во првата половина од 2015 година да се заокружи процесот за целиот состав и за Денот на АРМ, во 2015 година да биде заменета старата со новата униформа“, рече министерот  за одбрана Талат Џафери . Според најавите, опремувањето на припадниците на АРМ ќе почне во 2014 година. Во 2014 и 2015 година, најави началникот на ГШ на АРМ генерал-потполковник Котески, се планира да се изврши целосно опремување на припадниците на АРМ со новите службени униформи. Најпрво ќе биде произведено платното, кое по составот и квалитетот е најслично со платното од кое е изработена германската службена униформа.- „Платното настојувавме да биде произведено во Република Македонија. Бојата е избрана според анкетите направени меѓу припадниците на АРМ. Изработката на шапките затоа што е малку специфична, најверојатно ќе биде надвор од Република Македонија“, појасни началникот на ГШ на АРМ генерал-потполковник Горанчо Котески Тој истакна дека новата службена униформа ќе биде многу подобра од старата, а ги исполнува и сите НАТО стандарди.