Арсовска: Град Скопје не е одговорен, концесијата на БЕГ е од Владата

Добивај вести на Viber

Градоначалничката на Град Скопје, Данела Арсовска, како претседателка на заедницата на општините ЗЕЛС упати повик до Владата да свика итен состанок поради енергетската криза и виосоките сметки кои локалните самоуправи ги имаат за електрична енергија.

„Сметките за електрична енергија се драстично зголемена и се доведува ликвиднста во прашање. Останатите потреби на граѓаните не можат да се сервисираат, поради тоа што единствено од буџетите се покриваат трошоците за електрична енергија. Некаде се за повеќе од 5 пати зголемени, односно за 500 отсто. а тоа се се должи на раскинатите договори.“, рече Арсовска.

Како илустрација, на прес-конференцијата на ЗЕЛС беше наведено дека Струмица од 7 милиони, добила зголемена сметка за струја на 25 милиони денари, Гевгелија од 400.000 на 2,9 милиони, Чаир од 500.000 на 1,4 милиони, Ѓорче Петров од 700.000 на 3 милиони.

Претходно мандатарот Димитар Ковачевски рече дека според законите, топлинската енергија и БЕГ, односно целата инфраструктура за затоплување со парно греење е во надлежност на Град Скопје.

Арсовска ова го демантира, но ја поздрави најавата на Владата за ставање на БЕГ под привремена принудна управа.

„Јас ја поздравувам изјавата, но обврската е на Владата, од неа БЕГ има добиена концесија и надлежноста не е на Град Скопје До 15 септември најголемиот дел на влади во Европа имаат превземено мерки за овие шокови. Општините поради слабата децентрализација имаат лимитирани приходи и не треба да се префрла топката на локалните единици.

Префрлањето на вина не е основано, кризата е започната од август месец, но Владата не превземала никакви чекари. Владата да превземе целосна одговорност и да и помогне на локалната самоуправа“, повика Арсовска.