Арсовска: Мицкоски знаеше повеќе од мене за тендерот

Добивај вести на Viber

Данела Арсовска вчера во дебатниот магазин „Click Plus“ на ТВ21 рече дека Христијан Мицкоски како лидер на ВМРО-ДПМНЕ знаел повеќе детали за јавната набавка на пречистителна станица од над 130 милиони евра преку ЈП Водовод и канализација - Скопје, откако што таа самата како градоначалник на Град Скопје имала детали за постапката.

Таа вели дека Мицкоски е многу добро запознаен со сумите за тендерот на Водовод и Европската инвестициона банка вреден над 130 милиони евра кои биле доверливи.

„Со самото тоа што некој сите овие месеци ги криел процесите кои се одвиваат таму, а јас како градоначалник не сум добила ниту една пишана информација, ниту пак Советот добил било каква информација врзана за сите овие дејствија таму, а од друга страна видовме дека тука, токму во вашата емисија, претставникот кој што беше на опозициската ВМРО-ДПМНЕ богами и како тоа добро е запознаен со сите постапки, со сите суми, со сето она што се одвивало таму. Сметам дека е сериозна индиција за тоа што се случувало таму“, рече Арсовска во „КликПлус“.

Таа додава дека штом можело некој од надвор, за нешто што се квалификува како доверливо, толку многу добро да е информиран смета дека органите во Македонија ќе имаат со што да се позанимаваат во следниот период.