23 Февруари, 2024
0.1533

Арсовска: Нема да бидеме сојузници во криминал кој траел од 2017 година

Објавено во: Македонија 24 Ноември, 2022

Добивај вести на Viber

По превирањата во јавноста околу јавниот превоз и прекинот на услугата на приватните превозници во јавноста со свој став излезе градоначалничката Данела Арсовска, која потенцира дека и приватниците имаат обврски, кои не ги почитувале уште од 2017 година. 

Таа посочи дека нема да учествува во криминал, и бара доследна примена на законските одредби. 

 На почеток дозволете ми да ги демантирам лажните вести од изминатите денови, за кои и покрај тоа што појаснивме кои се предизвиците, очигледно е неопходно детално појаснување за да се прекине со манипулациите кои поединци ги пласираат во јавноста со цел заштита на својот приватен личен интерес. Јавноста сепак, мора да ги знае вистинските причини кој некој со намера го предизвикува, а таа намера денес ќе ја откриеме и разобличиме. Ќе се обидам системот на функционирање да го објаснам во најсимплифицирана форма. ЈСП Скопје склучува договори со приватните превозници, во случајот „Макекспрес“ и „Слобода Превоз“ врз основа на кој ЈСП има обврска на приватните превозници да им исплаќа по едно евро, а сега по зголемување на дериватите по 1,5 евра по извозен километар. Оваа обврска месечно чини околу 24 милиони денари, но, од оваа сума треба да се одбие сумата која приватните превозници ја оствариле од продажба на билети за возење - го започна Арсовска своето излагање. 

Таа дополни дека приватните превозници, согласно член 5 од нивинот договор, имаат обврска продадените билети да ги потврдат со фискална сметка, и да ги валидираат во интегрираниот систем со ЈСП Скопје. Кога ќе го направат тоа, од вкупната сума која ЈСП Скопје ја должи за извозен километар, се одбива сумата која од продадени билети ја оствариле приватните превозници. 

Жалам што ќе ги разочарам, но, ниту јас, ниту градот Скопје, ниту ЈСП нема да бидеме сојузници во криминал кој траел од 2017 година. Имено, евидентно од аналитичките картички со кои е евидентирано финансиското работење кое произлегува од договорот со приватните превозници „Макекспрес“ и „Слобода Превоз“, истите од 2017 година, се до овој момент немаат пријавено продажба на НИТУ ЕДЕН БИЛЕТ во своите автобуси иако пријавувале дека возеле околу 400.000 километри месечно. Ова го пресметувале по едно евро за извозен километар, а потоа го фактурирале на ЈСП. Или наједноставно Слобода превоз и Макекспрес наплаќале билети, тие пари не ги пријавувале и ги ставале во џеб, а потоа фактурирале и 400.000 евра од ЈСП Скопје секој месец. Оваа „шема“ трае цели пет години - потенцира Арсовска

Таа дополни дека ова може да се види од аналитичките картички, доказ дека ова се случувало е фактот што тие од 2017 година НЕ добавиле билети од ЈСП Скопје кои потоа ги продаваат на патниците. 

- Од 2017 Година Слобода превоз и Макекспрес НЕ ПРИЈАВИЛЕ ниту еден продаден билет во ЈСП Скопје, иако за билети наплаќаат од патниците. Прашуваме, каде се овие пари? Каде завршувале парите кои „Слобода Превоз“ и „Макекспрес“ требало секој месец да ги пријавуваат во ЈСП Скопје и УЈП од продажба на карти, ако пет години НЕМА ПРИЈАВЕНО ниту еден продаден билет? Внимавајте, наплаќале билети од патниците, а потоа дополнително полната сума од околу 400.000 евра ја фактурирале од ЈСП Скопје. Дополнително, како што истакнавме и на минатата прес конференција, средствата кои ЈСП ги исплаќал кон овие две здруженија, не знаеме на кој начин биле распределувани и кој превозник колку средства добил - потенцира Арсовска.

Воедно градоначалничката посочува дека „веруваме дека најголемиот дел од сопствениците на приватни автобуси кои членуваат во здруженијата „Макекспрес“ и „Слобода Превоз“ се чесни луѓе кои од возењето автобус го прехрануваат семејството“. Сепак, додава дека злоупотребите на овие здруженија нема да се премолчуваат, туку напротив со постапување на институциите овие злоупотреби ќе се спречат, што ќе резултира и со покренување на соодветна постапка по финалниот ревизорски извештај.

- За да оние кои злоупотребиле, да не шпекулираат за причините на прекин на договорите, Град Скопје изготви нов јавен повик на кој СЕКОЈ од сегашните поединечни превозници, сопственик на приватен автобус ќе може индивидуално да аплицира, да добие линија на која ќе сообраќа и да работи чесно за обезбедување соодветен јавен превоз. Криминалот и корупцијата и оние кои злоупотребуваат, нема да наидат на поддршка во градот, затоа што се обврзавме дека ќе расчистиме со тоа што до сега било кочничар за развој на градот, ЈСП се консолидира, се спроведуваат реформи во насока на прилагодување на еко стандарди и се движи кон трајно решавање на предизвиците во јавниот превоз - заклучува Арсовска.

Можеби ќе ве интересира

СТУДЕНАТА „ЛА НИЊА“ НИ ДОАЃА УШТЕ ВО ТЕКОТ НА ОВА ЛЕТО: Летото кое сите го чекаме ќе биде пократко, без екстремно топло бранови но и со непогоди и врнежи

СТУДЕНАТА „ЛА НИЊА“ НИ ДОАЃА УШТЕ ВО ТЕКОТ НА ОВА ЛЕТО: Летото кое сите го чекаме ќе биде пократко, без екстремно топло бранови но и со непогоди и врнежи

ЗАВРШИ ПОТРАГАТА ЗА ИСЧЕЗНАТИОТ АЛЕКСАНДАР ЈОШЕСКИ: За жал со лош исход

ЗАВРШИ ПОТРАГАТА ЗА ИСЧЕЗНАТИОТ АЛЕКСАНДАР ЈОШЕСКИ: За жал со лош исход

ОСМАНИ НЕКА ЗБОРУВА ЗА ОПЕРАЦИИ И РЕНТГЕН НА АБДОМЕН, НЕ ЗА РАБОТИ ШТО НЕ ГИ РАЗБИРА: Тошковски прашува, „Како не му е срам?“

ОСМАНИ НЕКА ЗБОРУВА ЗА ОПЕРАЦИИ И РЕНТГЕН НА АБДОМЕН, НЕ ЗА РАБОТИ ШТО НЕ ГИ РАЗБИРА: Тошковски прашува, „Како не му е срам?“

ОНОЈ ПРАТЕНИК ШТО ОДЕШЕ ДА СЕ СЛИКА НА ГРАНИЦИ ИМА ИЗВАДЕНО ДИПЛОМАТСКИ ПАСОШИ: Ги лаже граѓаните, вели Шилегов

ОНОЈ ПРАТЕНИК ШТО ОДЕШЕ ДА СЕ СЛИКА НА ГРАНИЦИ ИМА ИЗВАДЕНО ДИПЛОМАТСКИ ПАСОШИ: Ги лаже граѓаните, вели Шилегов

Груби: Избор на претседател со 2/3 мнозинство во Собрание, но и со Бадентер

Груби: Избор на претседател со 2/3 мнозинство во Собрание, но и со Бадентер

ФАКТОР НА ДЕНОТ: Во претседателската трка влегуваат и Бујар Османи и Максим Димитриевски

ФАКТОР НА ДЕНОТ: Во претседателската трка влегуваат и Бујар Османи и Максим Димитриевски

ТОШКОВСКИ: Mоја беше одлуката да прекинат гужвите пред пунктовите

ТОШКОВСКИ: Mоја беше одлуката да прекинат гужвите пред пунктовите

ОХРИЃАНКА „ОЛЕСНЕТА“ ЗА 5.000 ЕВРА: Лице ја измамило за работа во странство

ОХРИЃАНКА „ОЛЕСНЕТА“ ЗА 5.000 ЕВРА: Лице ја измамило за работа во странство

СЕ ЈАВИ СРПСКАТА ПОЛИЦИЈА: Тврдат дека не малтретирале мигранти на границата со Македонија

СЕ ЈАВИ СРПСКАТА ПОЛИЦИЈА: Тврдат дека не малтретирале мигранти на границата со Македонија