Атлантик груп со раст на приходите за 4,8% на вкупно 667 милиони евра

Добивај вести на Viber

Хрватската Атлантик груп во 2012 година оствари вкупен приход во износ од 667,4 милиони евра, што претставува раст од 4,8% во однос на 2011 година, соопштија од компанијата. Според финансискиот извештај, компанијата 2012 година ја заврши со нето добивка од 7,4 милиони евра, што претставува годишен раст од 18,5%. Од извештајот се гледа раст на приходите од продажбата кај, при што најголем раст од 8,9% има сегментот на кафиња, производите за нега и здравје имаат раст од 7,8%, додека деликатесните намази 7,6%. “Особено сме задоволни со остварените резултати во 2012 година, во која Атлантик груп ги исполни своите очекувања, остварувајќи природен раст на приходите и зголемена профитабилност.Во овој период успешно го завршивме проектот на рефинансирање, со што само го потврдивме статусот на компанија која одговорно ја планира и спроведува својата деловна политика и ужива доверба на мегународните развојни институции и на финансиската заедница. Во 2013 година, вработените и менаџментот на Атлантик груп и понатаму ќе бидат насочени кон природниот раст преку активно управување со брендовите, иновации, оптимизација на трошоците и управување со ризиците, како би се оствариле зацртаните цели на деловно работење” истакна Емил Тедески, председател на менаџментот на Атлантик груп. Тој годината ја карактеризираше со воведување на нова организациона структура, со која работењето на Атлантик Груп е организирано во шест стратешки деловни единици (Кафе, Слатко и солено, Деликатесни намази, Пијалоци, Здравје и нега, Спортска и активна прехрана), четири дистрибутивни подрачја (Хрватска/Словенија/Србија и Македонија, ХоРеКа сегментот и меѓународните пазари, како и пазарот на Русија. „Во текот на 2012 година во сите бизнис области беа лансирани нови производи, додека постоечките беа воведени во рамките на нови пазари и продолжи да се шири дистрибутивното портфолио“ се вели во соопштението од компанијата. Хрватскиот пазар е најголемиот поединечен пазар на Атлантик груп со учество во вкупната продажба од 26,6%, потоа следи српскиот пазар со 24,9%, Словенија со 13,2%, Босна и Херцеговина со 7,6% и останатите регионални пазари со 6,4% како и клучните западноевропски пазари со 7,3%. Пазарот на Русија и ЗНД со учество од 5,0% во приходите од продажбата бележат најголем раст од 31,4%. Останатите пазари учествуваат со приход од 8,9%.