Автомобил излетал од надвозник, двајца повредени, возачот избегал
Објавено во: Македонија 26 Март, 2018
Во сообраќајна несреќа полесно се повредени две лица. Несреќата се случила на локалниот пат Велес – село Раштани, на крстосница на патот во изградба Велес-Прилеп кога патнички автомобил марка „Фолксваген Голф“ со велешки регистарски ознаки излетал од мостот и паднал на патот под надвозникот.
Според информациите со кои денес излезе портпаролот на СВР Велес Верољуб Додевски, во незгодата која се случила завчера околу 19:30 часот, со повреди се здобиле лицата Ф.Н.(21) и Б.К.(19) од велешкото село Бузалково кои со возило на Итна медицинска помош - Велес биле пренесени во велешката Општа болница.
- Инаку, лицето кое управувало со возилото не било најдено на местото на настанот и полицијата не можела да го евидентира, но трага по него, информира Додевски.