Авторитаризмот продолжува и во опозиција: ВМРО-ДПМНЕ го разреши Петар Богојески

Добивај вести на Viber

Авторитаризмот типичен во партиското функционирање на ВМРО-ДПМНЕ продолжува и кога тие се во опозиција, откако реформаторот и фракционер Петар Богојески бил разрешен од функцијата заменик генерален секретар, според сознанијата на Пресинг ТВ од партиски извори.

Порталот пишува дека ваква одлука вечерва донел Извршниот комитет на партијата додека се состанувал за да го изгради ставот околу можните вонредни парламентарни избори што ги најави премиерот Зоран Заев на 25 ноември.

Богојески како реформатор и фракционер често ги критикуваше политиките на сегашното и претходното лидерствот, а особено на телевизиските емисии, по што може да се заклучи дека некому тоа и му пречело внатре во самата партија.

Официјалното образложение кое за медиумот го дале од белата палата е дека Богојески е сменет поради непрофесионално вршење на должноста, несовесно извршување на задолженијата и повреда на партиските начела. Тој е само разрешен, но не и исклучен од партијата.

Тој е еден од лидерите на иницијативата за реформи во партијата која почна во времето на Никола Груевски особено во поглед на начинот на кој се определуваат оние кои го бираат лидерот и раководството на партиските конгреси со цел тоа да биде понезависно од други влијанија и интереси.