Азербејџанскиот гас по ТАП може да потече во почетокот на 2020 година
Објавено во: Економија 03 Јуни, 2015
Конзорциумот на проектот за изградба на Трансадриатискиот гасовод (ТАП) планира да започне испораки на азербејџански гас преку овој гасовод во почетокот на 2020 година, изјавил генералниот директор на проектот Јан Бредшо на конференција во Баку.
„Работите во рамките на проектот ќе започнат во 2016 година. Дел од активностите сепак ќе започнат уште во летото оваа година. Имаме некои проблеми, но се надеваме да ги решиме и ќе ја завршиме работата навреме, па во почетокот на 2020 година азербејџанскиот гас да потече по нафтоводот на ТАП“, истакнал Бредшо.
Според него за реализација на овој проектот е потребно потпишување на 50 000 од договорот за купување на земјиште во Грција (20 000), Албанија (12 000) и Италија (18 000).
Бредшо истакнал дека големо значење има изградбата на интерконекторите, преку кој гасот од гасоводот ТАП ќе може да се испорачува во други земји на Европа. Конкретно, преку интерконекторот Грција - Бугарија ќе може да се обезбеди 40% од потрошувачката на гас во Бугарија.