Баџанакот на Мијалков кој го прислушуваше УБК од денес ќе заседава со најпрестижната европска судска институција
Објавено во: Македонија 01 Февруари, 2017
Јован Илиевски од второпласиран, успеа да ја победи судијката во Уставниот суд Наташа Габер, и е третиот претставник од Македонија во Европскиот суд за човекови права во Стразбур.
Тој на гласањето кое се одвиваше во тајност освои 106 гласови од пратеници од Парламентарното собрание на Советот на Европа а денеска положи заклетва како судија .
Почнувајќи од денеска па во наредните девет години без право на реизбор тој ќе заседава во најпрестижната европска судска институција во името на Република Македонија.
Откако Илевски ја доби функцијата во Стразбур во јавноста се појавија доста прашања, меѓу кои и како ќе суди Илиевски кога половина од предметите во Стразбур се поради повреди на постапката од обвиненијата кои тој како шеф на обвинителството ги процесуирал.
СВЕДОК, во овој случај потсетува на истражувањето на Саше Димовски од 2010 година во која се открива дека тајните служби со кои раководеше Сашо Мијалков го прислушувале неговиот баџанак Јован Илиевски а за овој скандал никој не покрена постапка. Доколку сега, масовното прислушување се најде на оценка во Стразбур, Илиевски ќе може преку сопствениот пример да им објасни на европските колеги што значи кршење на правото на приватност и серија други права утврдени во Конвенцијата, пишува овој медиум.
Јован Илиевски 18 години беше во обвинителството на Марко Зврлевски, а со доаѓањето на власт на ВМРО-ДПМНЕ тој стана шеф на одделот за борба против организираниот криминал и корупција. Илиевски, Социјалдемократите во повеќе наврати го обвинија за недоследност во одлуките, а како причина за тоа ја поврзуваа роднинската врска со поранешниот директор на Управата за безбедност и контраразузнавање, Сашо Мијалков на кој што Илиевски му е баџанак.
Обвинителот Јован Илиевски во својата биографија има наведено дека во 2013 година докторирал на УКИМ на тема „Историја на македонското јавно обвинителство – позиција, улога и перспективи“.
Можеби ќе ве интересира
ТОШКОВСКИ НЕ САКА ДА ШПЕКУЛИРА ЗА ГРУБИ: „Немаме информација каде е“
АХМЕТИ: Вчерашната одлука на парламентарното мнозинство без етнички легитимитет за деградирање на позицијата на албанскиот јазик e скандалозна
Општина Центар донесе препорака за забрана за користење мобилни телефони на настава
ДИСЦИПЛИНСКА ПОСТАПКА ЗА СМРТТА НА БЛЗНАЧИЊАТА: Еве што велат од Државниот санитарен инспекторат
Обвинителството ќе испитува како паднал ученикот од прозорец во Прилеп, но чека одговори од полицијата
АДВОКАТОТ МИТРОВСКИ ОБЈАВИ ФОТОГРАФИЈА ОД ЏИП ЗА КОЈ ТВРДИ ДЕКА Е НА АПАСИЕВ - „Драго ми е што напредуваш, ама одвој 40 денари за да го паркираш прописно“
ВЕНКО ОПЕРИРАШЕ, СПЕЦИЈАЛИЗАНТИТЕ УЧЕА: Филипче изврши операција на пациент со сериозен проблем со р'бетот
„НЕ Е НА ГРАНИЦА ЗА ДА ПРОДАВА ЦВЕЌИЊА, ТУКУ ДА ГЛЕДА ВО КОМПЈУТЕРОТ ДАЛИ ЛИЦЕТО Е НА СТОП ЛИСТАТА“ - Тошковски за бегството на Груби, се испитува дали е организирана операција
