Балкан Енерџи Груп со предлог за измена на режимот на греење

Добивај вести на Viber

Дел од граѓаните кои добиваат парно греење преку Балкан Енерџи Груп, годинава добиваат за два часа продолжено испорачување на топплинска енергија навечер. Како што соопштија од компанијата, станува збор за пилот проект кој трае во текот на 2013 година. Проектот, велат од БЕГ е во насока на исполнување на барањата на граѓаните за подобрување на квалитетот на услугата преку овозможување на два сервиси: истовремен старт испорака на толплина наутро, преку ноќно предгревање на топловодната мрежа, како и продолжена испорака на топлина до корисниците за дополнителни 2 часа навечер. Проектот се реализира во делот на градот Скопје приклучен на Топланата Исток, поточно во населбите Аеродром, Кисела Вода, Лисиче и дел од Центар. Реакциите од потрошувачите, соопштуваат од компанијата, е искучително позитивни и преставуваат основ за превземање нови чекори. „Врз основа на изразеното задоволство на корисниците на нашите услуги од новиот режим на работа, до надлежните органи е доставено барање за вградување на горенаведените сервиси во соодветната легислатива и промена на режимот на испорака на топлина согласно потребите на потрошувачите и согласно законските норми од оваа област во Р. Македонија.“, се наведува во соопштението на Балкан Енерџи Груп.