Балканска земја ќе го повлече признавањето на Косово?
Објавено во: Балкан 26 Октомври, 2018
Можно е Косово да остане без признавањето на една балканска земја.
Социјалистичката партија на Словенија бара државата да го повлече признавањето на Косово.
Таа испрати барањето до претседателот и Владата да се заложат Словенија да го повлече признавањето на Косово, пренесуваат српските медиуми.Се наведува дека официјална Љубљана треба да го поддржи територијалниот интегритет на Република Србија.
„Косово и Метохија е составен и неодвоив дел на Србија, како што всушност пишува во Резолуцијата 1244 на Обединетите нации“, наведува словенечката непарламентарна партија.
Во писмото на партијата стои дека Словенија во 2008 година направила голема грешка со признавањето на независноста на дел од територијата на „братската земја Србија“.
Пишуваат и дека Косово и Метохија, „јужната покраина на братската земја“, според меѓународното право немаше никакво право да се изјасни како „држава“, и се додава дека 10 години по признавањето уште поочигледно е дека Косово од почетокот на југословенската криза од 1980-тите било – „инструмент на Западот“.
На Косово, американската база Бондстил создава немири на јужната граница на Србија и на самото Косово, и ваквата пракса е насочена кон братска Србија, братска Русија, Словенија и Европа, се аргументите на кои се повикуваат.
„Европа е буре барут, Балканот е детонаторот и со сегашната ескалација ситуацијата станува многу опасна, дури и за граѓаните на Република Словенија. Затоа на Западот треба да му се даде јасен сигнал дека нема да се потчиниме на неговата политика“, истакна Социјалистичката партија на Словенија.
Српскиот министер за надворешни работи, Ивица Дачиќ следи кои се земјите кои ги повлекуваат признавањата на Косово, но често пати кога ќе излезе со изјава го демантираат косовските власти.Србија нема да го погази својот Устав и образ, признавајќи ја лажната држава Косово заради некакви европски моркови, изјави министерот за надворешни работи, Ивица Дачиќ, за „Вечерње новости”.
фото РТС