Бан Ки-Мун не го поддржа папата за „ерменскиот геноцид“

Добивај вести на Viber

Генералниот секретар на Обединетите нации Бан Ки Мун ги нарече убиствата на Ерменците од отоманските Турци пред 100 години како „ужасни злосторства“, но не го поддржа папата Фрањо во неговата изјава дека тие се „првиот геноцид на 20 век“, изјавил портпаролот на ОН.

Турција ги негира убиствата дека се геноцид и во одговор на изјавата на папата го отповика својот амбасадор во Ватикан и го обвини духовниот лидер во ширење на омраза.

Според историчарите 1,5 милиони ерменци биле убиени од Турците во периодот околу Првата светска војна - акција која се смета од страна на некои како геноцид. Според Анкара, сепак бројот на загинатите е зголемен и дел од загинатите се жртви на граѓанска војна и немири.

Според портпаролот на ОН Стефан Дужариќ генералниот секретар се запознал со изјавата на папата и е целосно свесен за „чувствителноста кон категоризацијата“ во 1915 и прославата на 100 годишнината на „трагичниот настан“ во Ерменија и на други места во светот на 24 април .

Според Дужариќ Бан Ки Мун не е ориентиран кон создавање на меѓународна комисија која може да ги истражува фактите околу убиствата, додавајќи дека „има дискусија со засегнатите страни и заедници и мислам дека е важно овие дискусии да продолжат“.

Изјавите на папата Фрањо беа кажани за време на мисата во базиликата „Св. Петар“ во спомен на стогодишнината, која беше поттикната од ерменски свештеници, како и од претседателот на земјата Серж Саркисјан. За време на службата Франциско изјавил дека негова должност е да им оддаде почит на невините мажи, жени и деца, кои биле „бесмислено“ убивани од страна на отоманските Турци.

Во 2009 година Турција и Ерменија потпишаа договор за отворање на границите и воспоставување на  дипломатски односи, што сепак и не се случи.