БАНКАРИТЕ НИ КОРОНА НИ КРИЗА НЕ ГИ БИЕ: Во јуни платата им пораснала за 20 отсто во однос на мај
Објавено во: Македонија 20 Август, 2020
Просечна нето плата во јуни годинава изнесувала 26.867 денари, што во однос на истиот месец лани е зголемување за 6,6 отсто.
Јунската плата се зголемила дури и во однос на претходниот месец, мај, за 1,8 отсто, може да се види од табелата на Државниот завод за статистика.
Како што е познато, владата излезе со мерки за помош на компаниите за полесно пребродување на ковид кризата, а една од нив беше помош за работодавачите за исплата на плати за своите вработени.
Првично таа мерка беше одредена да важи за месеците април и мај, но подоцна власта одлучи поддршката за фирмите да ја продолжи и за јуни.
А од податоците на Државниот завод за статистика, може да се види дека меѓу најмногу зголемените плати, се оние на банкарите во земјава. Односно, како што може да се види од бројките, платите во отсекот финансиско-услужни дејности, освен осигурување и пензиски фондови, каде што всушност влегуваат банките, се зголемени за 20 отсто во јуни во однос на мај, додека, пак, во јуни годинава во однос на истиот месец лани, се зголемени за 23 проценти.
Или, банкарските плати во јуни изнесувале во просек 54.276 денари, говорат податоците на статистика.
„Зголемувањето на просечната нето плата се должи, пред сѐ, на зголемувањето на просечната нето плата во секторите: Финансиски дејности и дејности на осигурување (18,7 проценти), Рударство и вадење на камен (15,2 отсто) и Образование (12,6 отсто). Зголемување на просечната месечна исплатена нето плата по вработен во однос на претходниот месец е забележано во секторите: Финансиски дејности и дејности на осигурување (14,1 отсто), Рударство и вадење на камен (6,3 отсто) и Стручни, научни и технички дејности (4,3 проценти). Растот на просечната бруто плата во јуни 2020 година се должи, пред сѐ, на зголемувањето на просечната бруто плата во секторите: Финансиски дејности и дејности на осигурување (18,5 отсто), Рударство и вадење камен (15,9 отсто) и Образование (13,6 проценти). Зголемување на просечната месечна исплатена бруто плата во однос на претходниот месец е забележано во секторите: Финансиски дејности и дејности на осигурување (14,1 отсто), Рударство и вадење на камен (6,5 проценти) и Преработувачка индустрија (4,2 отсто)“, се вели во соопштението од Државниот завод за статистика.
Можеби ќе ве интересира
ВАЖНО МЕТЕО ПРЕДУПРЕДУВАЊЕ: Денес од пладневните часови на повеќе места врнежи, грмежи и засилен ветер – постои опасност од посилно невреме и поројни поплави
ТРОЈЦАТА ГОЛЕМИ СИГУРНО НЕ СЕ, НО КОЈ Е ОД ПОМАЛИТЕ, УШТЕ НЕ СЕ ЗНАЕ - има ли нов играч во хотелиерската компанија
ПЛАТАТА ЈА КРИЈАТ КАКО ЗМИЈАТА НОЗЕТЕ: Се бараат жени за чување деца во Германија, но „за повеќе инфо инбокс“
СИ ЛЕГНУВААТ СО МИСЛАТА ШТО ЌЕ ЗГОТВАТ УТРЕ ЗА ЈАДЕЊЕ: Се зголемил бројот на граѓани кои имаат потреба од помош во оброци
СУДСКИОТ СОВЕТ НА ПОЛНОЌ ЌЕ ОДЛУЧУВА ЗА ИМУНИТЕТОТ НА СУДИЈАТА: по денешното апсење за мито
„Битно е процесот да биде демократски и да се заврши се како што треба“: Јаулески од ВМРО смета дека ќе добијат уште еден пратеник
„ДУИ да се спремаат за мирна, цивилизирана транзиција како во секоја европска држава“: Милошоски вели „време е да заминат во опозиција“
„ПРОБАВ ДА ВЛЕЗАМ ВО СОБРАНИЕТО. И НЕ УСПЕАВ“: професорката Најчевска ја напушта „Твоја партија“, еве што порача
АВМУ: Изборен молк поради прегласување за Парламентарните избори 2024
