Банкарска азбука на Шпаркасе Банка-Нов проект за едукација за банкарска терминологија

Добивај вести на Viber

Шпаркасе Банка Македонија започнува нов проект за финансиска едукација наречен ‘‘Банкарска азбука‘‘. Целта на проектот е појаснување и доближување до пошироката јавност на банкарските термини  кои се употребуваат секојдневно при различни банкарски трансакции и услуги. Во рамките на проектот, ќе се реализираат повеќе активности, меѓу кои и наменски тв прилози во кои се претставуваат голем број банкарски изрази, прирачник ‘‘Банкарска азбука‘‘ која е достапен во сите експозитури на банката, како и интензивна комуникација преку социјалните мрежи. ‘‘Нашата банка ја препозна потребата за појаснување на најчестите банкарски термини со кои граѓаните се среќаваат секојдневно.  Мора да ни е јасно дека нашата терминологија е за многумина непозната, впрочем како и во секоја друга професија. Сакаме на нашите клиенти но и на пошироката јавност да им помогнеме и олесниме комуникацијата со банкарскиот сектор. ‘‘Банкарска азбука‘‘ е проект во рамките на нашата стратегија за корпоративно општествена одговорност во чија суштина е придонес кон заедницата во повеќе области, како што е впрочем и финансиската едукација‘‘, изјави Кристина Депо, Директор за маркетинг и комуникации во Шпаркасе Банка Македонија. За повеќе информации, обратете се во експозитурите на Шпаркасе Банка или на нејзината веб страница: www.sparkasse.mk