Банките на Балканот пред грчка зараза

Добивај вести на Viber

Ако Атина објави неликвидност на долгот, соседните земји на Грција ќе се соочат со ризик од зараза, која би се проширила во грчките подружнички банки кои контролираат голем дел од нивните банкарски системи, пишува Ројтерс.

Властите во Бугарија, Романија, Србија, Албанија и Македонија велат дека ги изолирале локалните банки, така што дури и банката мајка во Грција да пропадне, подружниците да можат да преживеат.

Но, тие не може да ги одвратат штедачите - ако евентуалната криза во Грција ги натера клиентите панично да ги повлечат своите заштеди од грчките подружници во која и да е земја, тогаш резултатот би бил непредвидлив, забележуваат агенциите.

"Не е добро, кога куќата на соседот му гори", коментира извршниот директор на УниКредит Булбанк Левон Хампарцумјан, иако тој не гледа некаква директна закана од Грција.

Балканските држави кои се изложени на ризик, се мали економии, но приказната памети колку кревки се нивните финансиски системи. Затоа евентуална зараза од Грција може да има значителен ефект врз нив.

Со наближувањето на крајниот рок за Атина и нејзините кредитори и на позадината на повлекување на депозитите од грчките банки, надминуваат 1 милијарда евра на ден, Гувернерот на Централната банка на Грција ги предупреди банкарите дека вторник ќе биде тежок ден за нив.

Банките, меѓу кои Piraeus и Alpha Bank, ја проширија нагло својата дејност во државите на Балканскиот полуостров по финансиската криза, сега се соочуваат со можна локална криза.

Според Ројтерс грчките подружници заземаат удел од 20% од банкарските системи на Бугарија и Македонија и малку помалку во Романија, Србија и Албанија.

Посебни мерки

Агенцијата се распрашува до централните банки на земјите со изложеност кон грчките подружници, за да објаснат какви превентивни мерки се преземени. Во Бугарија грчките подружници немаат вложено во грчки хартии од вредност и не добиваат средства од нивните мајки, објасни во мај заменик-директорот на Пиреос банк Емил Ангелов.

Централната банка има право да го ограничи обемот на паричните средства, кои можат да бидат пренесувани од локалните банки кон нивните мајки акционери во Грција. Во неколку држави законодавството не им дозволува на банките мајки да го повлечат капиталот од локални поделби без дозвола на централната банка.

Сé поголем е бројот на централните банки, кои во последните месеци го  зголемија надзорот над грчките подружници банки. На пример во Македонија единиците мора да ги пријават секојдневно сите трансакции кои ги вршат со банките мајки.

Вчера главниот економист на UniCredit за регионот на Централна и Источна Европа Љубомир Митов рече дека каналите за можна зараза се совладле, но со исклучок на еден. Според неговите зборови може да настане проблем, ако луѓето почнат да ги повлекуваат своите депозити. Генерално тој смета дека тврдењата за крајните негативни ефекти врз бугарската економија се преекспонирани.

Постои тензија меѓу луѓето чии заштеди се во грчки подружници, но нема знаци на паника. А сепак, во случај на банкарска паника, во последните неколку години централните банки во регионот презедоа чекори за подобрување на капиталната позиција и ликвидноста на банкарскиот сектор.

Адекватност на капиталот на грчките банки во Романија е 17%, што е над минимално потребните 10%. Бугарските банки се добро капитализирани и многу ликвидни, пишува уште Ројтерс, цитирајќи го извештај на Standard Bank.

Пресметките на UniCredit покажуваат дека кон крајот на 2014 година капиталната адекватност на Обединета бугарска банка е 27,4% кај 15,6% во 2011 година, на Пиреос е 28,5% кај 20,1%, а на Јуробанк - 24,8% кај 15,4%.

Богов: Грчката должничка криза нема влијание врз банкарскиот систем

„Банкарскиот систем е стабилен и отпорен на грчката должничка криза. Движењето на депозитите во двете домашни банки во грчка сопственост е исто како и кај останатите домашни банки така што и тие во јуни имаат пораст на депозитите. Депозитите се пласирани во македонската економија, поради што нивната сигурност зависи од стабилноста на македонската економија, а не од грчката. Двете банки се одлично капитализирани и со висока ликвидност. Нема апсолутно никаква причина за загриженост“, смирува гувернерот на Народната Банка, Димитар Богов.