Банките во Грција остануваат затворени цела недела, Ципрас моли за уште пари!
Објавено во: Балкан, Економија 28 Јуни, 2015 21:35
Грчките банки остануваат затворени до 6 јули.
Ова го одлучила Владата на Грција по состанокот на Советот за финансиска стабилност, пренесоа агенциите, повикувајќи се на локалните медиуми.
Министерот за финансии, Јанис Варуфакис рекол дека сите мерки за избегнување на последователните проблеми од тоа ќе бидат земени предвид.
Подоцна ќе се одржи седница на која ќе се одлучи каков ќе биде дневниот лимит за повлекување на пари од банкомати.
Во меѓувреме, премиерот Алексис Ципрас изјави за време на обраќањето кон грчкиот народ дека испратил нова молба кон доверителите на земјата за продолжување на итната финансиска помош по 30 јуни.
Ципрас ги уверил луѓето дека нивните парични вложувања се целосно гарантирани.
Според него одлуката на ЕЦБ за контрола над капиталот е чин на уцена против грчкиот народ. Ципрас рече дека испратил обраќање до раководителите на европските институции и земјите од еврозоната со барање да ја укинуваат одлуката за прекин на програмата за помош.
Можеби ќе ве интересира
Што вели Рама за идејата на новите членки на ЕУ да им се ограничи правото на вето?
(ВИДЕО) Пратениците во албанското Собрание се тепаа и фрлаа чадни бомби
„МИНИСТЕРОТ НЕ ЗЕМА НИТУ ДИНАР“ Вучиќ: Обвинението против Селаковиќ е срамно и безобразно
„Њујорк тајмс“: Фирмата на зетот на Трамп - Кушнер се повлекува од договорот за изградба на хотел во Србија
Граничниот премин Богородица затворен за сообраќај
Потврден случај на лепра во Хрватска: Почната е задолжителна постапка за вакцинација
