БАРАТЕ ОДРЕДЕН ПРОИЗВОД, А НЕ МОЖЕТЕ ДА ГО НАЈДЕТЕ: Дали се намалува изборот на пазарите?
Објавено во: Македонија, Агробизнис 02 Септември, 2025 08:01
Граѓаните од помалите градови велат дека се случува да бараат одреден производ на пазарите, а да не можат да го најдат. Ова се однесува за намирници како рен, брокули, боранија, бамји, блитва и слично.
Велат дека состојбата е таква затоа што се намалува бројот на оние кои се занимаваат со земјоделска дејност. Според нив, во иднина ќе биде и полошо.
„Скоро бев на пазар, и видов дека пиперки за ајвар нема. Тезгите се празни. Нема боранија, нема грашок, нема везени пиперки. Порано имаше сѐ. Моето мислење е дека државата прави грешка. Никој не се сетил на младите да им даде пари за да ги мотивираат да произведуваат храна. И да отидам на пазар, и да најдам боранија, таа чини 150 денари, а ќе биде и поскапа и на 200 денари ќе скокне цената и нема да можам да си ја дозволам“, рече Дивна Додевска, граѓанка.
Според граѓаните, со текот на годините има помал избор на храна, но и послаб квалитет.
„Јас не можев да најдам рен на пазар. Свежа брокула и бамји исто така тешко се наоѓаат“, рече кумановка.
И Државниот завод за статистика(ДЗС) регистрира намалување кај производството на одредени култури.
„Зависи од сезоната. Она што го нема на пазар, луѓето го купуваат во маркети или пиљари“, вели жител на Виница.
Ристо Велков, земјоделец од селото Василево и претседател на Сојузот синдикат на земјоделски производители во струмичко ги разбира поплаките на потрошувачите, но вели дека ќе биде и полошо.
„После многу години и тоа што сега го има по пазарите, ќе го снема. Ако продолжи вака, за 10 години и тоа ќе го нема. Нема никаква стратегија. На некои пазари дел од производите или ги нема или ги има ретко и во мали количини. Треба нешто од корен да се смени“, кажа Велков.
Во 2024 во однос нс 2023 година, намалено е производството на доматите, оризот, сончогледот.
ДЗС регистрира и пораст на цените. За една година, од јули лани до крајот на јули годинава, во земјоделското производство највисоки цени се постигнати кај зеленчукот каде што има пораст од 63,3 отсто, а потоа следи овошјето со раст на цената од 33,2 отсто.
Сања Атанасовскаfoto freepik.com
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
ФАКТОР НА ДЕНОТ: Одбраната на поранешните градоначалници Папазов и Илијев тврди дека немале никаква надлежност и одговорност за „Пулс“
CNN ЗА МАКЕДОНИЈА: Постои една прекрасна јужноевропска земја со вкусна храна и одлично вино
Телото на Миле Тодоров било пронајдено пред половина месец
УХМР за утре сподели „жолт хидроаларм“ - каде се можни излевања?
ТАЖЕН КРАЈ: Исчезнатот Миле Тодоров од Неготино е најден починат
Костадинов ги отфрла наводите во кривичната пријава: „Стојам на располагање на надлежните“
Град Скопје со препораки: Затоплувајте се само со суво и чисто дрво
Одбраната на поранешните градоначалници на Кочани, Папазов и Илијев тврди дека немале никаква надлежност и одговорност за „Пулс“
