Бебе старо три недели почина од корона во Косово
Објавено во: Балкан, Корона Вирус 06 Септември, 2021
Во Косово, бебе старо три недели почина од коронавирусот.
Информацијата ја потврди директорката на Клиниката за неонатологија при УКЦК во Приштина, Хајрие Исмаилји. Таа за „Коха“ изјави дека бебето било во сериозна здравствена состојба уште од денот на прием во болницата и било ставено на механичка вентилација. Бебето не е родено со коронавирус, туку е утврдено дека целото семејство е заразено со вирусот. Се работи за семејство од гратчето Липљан, во близина на главниот град Приштина. Во Косово, 101 пациент почина од коронавирус од почетокот на септември. Изминатиов период, Косово на дневна основа имаше многу висока бројка на заразени.