БЕКИМ САЛИ НА МЕСТОТО НА ФИЛИПЧЕ, ВИКТОР ИСЈАНОВСКИ-ЗАМЕНИК МИНИСТЕР ЗА ЗДРАВСТВО: Фактор дознава неофицијално

Објавено во: Македонија 05 Декември, 2021
По одлуката на
Алтернатива да се вклучи во парламентарното мнозинство, веќе, иако неофицијално,
е договорено оваа партија да го предводи Министерството за здравство, а
најверојатно министерската позиција од Венко Филипче ќе припадне на
стоматологот Беким Сали, кој беше кандидат на Алтернатива за градоначалник на
Чаир.
Фактор од свои сигурни извори дознава дека за заменик-министер за здравство е предложен актуелниот директор на Здравствен дом-Скопје, д-р. Виктор Исјановски. Тој би седнал на местото на Илир Хасани, кој сега е заменик министер за здравство од редовите на ДУИ.
Изворите на Фактор брифираат дека Исјановски, како актуелен директор на Здравствен дом-Скопје и како член на Комисијата за заразни болести е одлично упатен во целата ковид криза, заради што и е предложен за заменик-министер за здравство, односно би бил „десна рака“ на Беким Сали, за добро менаџирање со епидемијата на корона вирусот во Македонија.
Сепак, изворите на Фактор велат дека е сосема неизвесно дали Исјановски ќе ја прифати понудената функција.
Денеска во 13 часот, во Клубот на пратениците, каде што свечено биде потпишана програмата за заедничко дејствување, се очекува премиерот Зоран Заев и лидерот на Алтернатива, Африм Гаши да ги соопштат сите детали.
Анита БуховскиМожеби ќе ве интересира
ФАКТОР НА ДЕНОТ: Aко нема уставни измени, државата ќе влезе во изолација

Змија е фотографирана на паркинг во центарот на Скопје

(ВИДЕО) Пристигнаа новите оклопни возила набавени од САД

Ковачевски: Ако не се случат уставните измени, наместо интеграција ќе имаме изолација

Министерот за здравство ги повика хирурзите да работат во недела за да се намали листата на чекање

Гостиварец платил 10.000 евра со цел неговото семејство да не дознае дека има љубовница

Благој Бочварски казнет со 150 евра за вработувањето на сопругата и нејзината сестра во болницата во Штип
