Бектеши открива: Гасот доаѓа од Турција и Грција

Добивај вести на Viber

Креник Бектеши, министерот за економија, на денешната панел дискусија за енергетика рече дека природниот гас што ЕСМ Продажба го носи во земјата преку бугарската компанија Балкан Јутилитис доаѓа од ЛНЏ-терминалите од Турција и Грција.

- Да, се користат тие зголемени капацитети од страна на ЕСМ Продажба, која се занимава со увоз и снабдување со природен гас на нивните постројки, но и за другите потрошувачи како што е индустријата. Најважно од се  е дека природниот гас кој што се увезува е од ЛНЏ-терминалите од Турција и еден дел во Грција, што значи дека имаме различни извори од тоа што сме имале претходно и не сме зависни само од еден извор кој претходно беше „Гаспром“, рече Бектешо.

Гасот во складиштата во Турција и Грција се чува во течна форма пред да биде превземен, а во Македонија доаѓа преку единствената гасоводна врска со Бугарија.

 Инаку, Турција ѝ даде пристап на Бугарија до терминалите за ЛНГ, отворајќи го строго контролираниот дел од европскиот пазар на гас.

Досега, во Македонија природниот гас имаше потекло од Русија.