БЕЛГРАД: Народна Банка одлучи, нема повеќе „гага“ кредити!

Добивај вести на Viber

Нема повеќе дозвола за продажба на кредити кои не може да се наплатат од граѓаните, ваква одлука донесе Народната банка нa Србијa. Искуството покажува дека во периодот кога тоа се правело имало многу злоупотреби и лошо однесување кон должниците.   Постоечкиот Закон за заштита на корисниците на финансиски услуги ги отстрани сите негативни последици од постапките на претпријатијата на кои им беа отстапувани побарувањата. Во периодот во кој на банките им било овозможено да ги продаваат побарувањата од граѓаните, пред 2011 година, банките не ги известувале корисниците за висината на долгот, ниту за самата продажба, ниту пак пред да го продадат долгот користеле расположиви средства самите да го наплатат, пишува "Новости". - Исто така, при продажба на долговите на населението на тие фирми им се давале комплетните кредитни досијеа на должниците. На тој начин тие претпријатија ги добивале личните податоци на корисникот, што е спротивно на Законот за заштита на податоци за личноста. Од друга страна, граѓаните немале можност од фирмите на кои им бил отстапен долгот да добијат податоци за правната основа на долгувањето, за висината на долгот, неговата структура и периодот за кој се однесува, наведуваат во НБС. Со Законот за заштита на корисниците на финансиски услуги пропишано е дека побарувањата од корисникот граѓанин банката може да и ги отстапи само на друга банка. Повеќето од српските банки не сакаат да ги продаваат лошите кредити на граѓаните на специјализираните фирми, зашто тоа на банката и носи само 10 до 30 отсто од пласираните пари. Во Србија има голем процент на ненаплатливи кредити. Најмногу се во стопанството, каде официјално изнесуваат 23 отсто. По тоа Србија е втора во светот по Романија. К.К.