Добивај вести на Viber
Регулаторната комисија за енергетика ги поевтини горивата. Како што веќе неофицијално бјави “Фактор“ бензините во следните две недели ќе се продаваат за 4,5 денари поевтино. Најупотребуваното гориво во Македонија, еуросупер од 98 октани по полноќ ќе се продава за 80,5 денари за литар, додека еуросупер од 95 октани ќе чини 78,5 денари за литар.
За 1,5 денари за литар поевтинуваат и дизелот и екстралесно масло за домаќинство. На бензинските станици во земјава од полноќ дизелот ќе се продава по 72 денари за литар, додека екстралесното масло за допмаќинство за 60,5 денари. Цената на мазутот пак, се намалува за 0,863 денари за килограм и ќе се продава за 42,417 денари. Од Регулаторната комисија за енергетика ваквата одлука ја објаснуваат со поевтинувањето на нафтата на светските берзи за 4,93% за две недели.