11 Август, 2022
0.0573

Берачите на јаболка од Албанија без ПЦР тест ќе влегуваат во земјава

Објавено во: Македонија, Агробизнис 28 Септември, 2021

Добивај вести на Viber

Берачите на јаболка од соседна Албанија без ПЦР тест ќе можат да влезат во земјава на граничниот премин Стење. Ваков договор е постигнат во координација на Општина Ресен и Министерството за земјоделство, потврдуваат од Здружението на овоштари „Благој А. Котларовски“ од Ресен. Одлуката помина на седница на Влада. 

Ова им оди во прилог на овоштарите кои последните 7-8 години мака мачат да најдат работници. Љубе Пампулески, претседател на здружението на овоштари „Благој А. Котларовски“ објаснува дека работниците на граничниот премин ќе остават податоци каде ќе престојуваат, и колкав период, со цел надлежните да имаат увид. Додава дека работниците од Албанија ќе стигнуваат од денеска, а нивната сезонска работа во земјава секако ќе заврши до 1 ноември.

„Потребни се илјадници луѓе за берба на јаболка, а засега само 10 отсто од бербата е почната во овој регион. Подобро е доколку луѓето бидат вакцинирани. Ќе ги почитуваме мерките и протоколите, ќе внимаваме да нема некое поголемо мешање. Дел од работниците ќе пристигнат од Битола, Прилеп и Велес“, рече Пампулески.

Ерол Куртовски, овоштар од Ресен вели дека деновиве ќе побара неколку работници за берба на јаболка.

„Од 1 до 5 октомври можно е да ангажирам 4 работници. Контактите ги имаме од претходните години, и од домашните берачи и од Албанија“, рече тој.

Дневницата ќе изнесува од 1.200 до 1.500 денари, со обезбедено сместување, но и оброци. Доколку нема работна сила, можно е да има и зголемување на дневниците.

Овоштарите од Ресен и Преспа велат дека пред 15 години немаа проблеми да обезбедат работници, дури имало поголем број на работници од потребното, и биле во позиција да ги бираат помладите, повредните и оние кои веќе имаат искуство.

„Оние кои тогаш имале 50 години, сега се пензионери и не можат да работат. Недостиг на работна сила се јави поради миграцијата во Европа, но и поради стареењето на населението. Но, ова е балкански проблем, не е погодена само Македонија, туку истото се случува и во Грција, Албанија, Србија“, додава Пампулески.

Производителите на јаболка од 2016 година наваму многу потешко наоѓаат работници, и се благодарни на државата што помогна без тестови албанските работници да можат да дојдат во Македонија. Во Ресен и Преспа се раѓаат од 80.000 до 150.000 тони јаболка годишно.

Сања Атанасовска

Можеби ќе ве интересира

ФАКТОР НА ДЕНОТ: Се појави сомнителен случај, се утврдува дали се работи за мајмунски сипаници, а КЗБ препорача карантин

ФАКТОР НА ДЕНОТ: Се појави сомнителен случај, се утврдува дали се работи за мајмунски сипаници, а КЗБ препорача карантин

Комисијата за заразни болести препорача карантин за сомнителните случаи за мајмунски сипаници

Комисијата за заразни болести препорача карантин за сомнителните случаи за мајмунски сипаници

Од кичевската болница се огласија - велат пациентот сомнителен за мајмунски сипаници бил тежок за соработка, но не избегал

Од кичевската болница се огласија - велат пациентот сомнителен за мајмунски сипаници бил тежок за соработка, но не избегал

Oд Кабинетот на Пендаровски одговорија зошто ја нема Плочата за АСНОМ во манастирот Св. Прохор Пчињски

Oд Кабинетот на Пендаровски одговорија зошто ја нема Плочата за АСНОМ во манастирот Св. Прохор Пчињски

Владина делегација положи цвеќе во спомен на загинатите армиски припадници кај Љуботенски бачила

Владина делегација положи цвеќе во спомен на загинатите армиски припадници кај Љуботенски бачила

ПРИСТИГНАЛ ОД АВСТРИЈА: Кичевчанецот со можни мајмунски сипаници избегал од болница

ПРИСТИГНАЛ ОД АВСТРИЈА: Кичевчанецот со можни мајмунски сипаници избегал од болница

Навивачи на ФК Шкупи претепале осум Швеѓани кај Бит Пазар

Навивачи на ФК Шкупи претепале осум Швеѓани кај Бит Пазар

Регистрирани се 693 случаи на КОВИД-19 и двајца починати

Регистрирани се 693 случаи на КОВИД-19 и двајца починати

Русија објави нови податоци - колку македонски борци загинаа во Украина?

Русија објави нови податоци - колку македонски борци загинаа во Украина?