Берза: НЛБ Банка со најголем промет, акциите на Топлификација АД Скопје во пад
Објавено во: Економија 18 Февруари, 2017
Во текот на последниот работен ден од неделата која е зад нас, акциите на НЛБ банка регистрираа најголем промет и се забетонираа на првото место по остварен промет во петокот.
2.226.000 денари е прометот кој го оствари НЛБ Банка со истргувани 215 акции по просечна цена од 10.353,49 денари.
Акцијата забележа раст од 1,85 отсто.
Наспроти акциите на НЛБ Банка, акциите на Топлификација АД Скопје регистрираа пад од 6,69 отсто и се тргуваа по цена од 951 денар.
Во листата губитници на последниот трговски ден се запишаа и акциите на Адинг АД Скопје со пад од 2,93 отсто и просечна вредност на акцијата од 728 денари и приоритетната акција на Стопанска банка АД Скопје со пад од 2,92 отсто.
Берзата на вчерашниот и последен трговски ден од оваа работна недела ги затвори вратите со промет од околу 6,2 милиони денари .