Бесими: Државата во моментов субвенционира 1,5 проценти од каматите за бизнисот

Добивај вести на Viber

Поранешниот министер за финансии Фатмир Бесими во интервјуто за „360 Степени“ вели дека во моментов бизнисите добиваат поволни кредити од Европската инвестициска банка, а администрирани од домашните деловни банки,по каматна стапка од 3,5 отсто,а 1,5 отсто од овој дел е субвенциониран од државата.

Ова Бесими го одговори во контекст на тенденцијата Владата преку Развојна банка да пласира 250 милиони евра од унгарскиот кредит со камтна стапка од 3,25 отсто, односно онолку колку што е каматата за позајмицата од Унгарија, додека домашните банки да бидат општествено одговорни и да не бараат ништо за возврат за администрирањето.

Европската инвестициска банка,според поранешниот министер, во последниот договор со Развојна банка,има позајмено 100 милиони за кредитирање на македонскиот бизнис, од кои 87 милиони евра од тие пари веќе се пласирани во стопанството.

- Ако 3,5% е каматата на позајмицата и на стопанството му се сервисира истата каматна стапка, разликата за трошоците на банките е 1,5% од каматната стапка. Тоа се покрива преку Развојната банка делумно за да не биде товар на буџетот, а ако Развојната банка нема таква рентабилност, тогаш разликата во каматата се компензира од буџетот,вели Бесими.

Тоа значи дека во моментот фирма може да земе кредит од комерцијална банка од оваа кредитна линија со камата од 3,5%, на 10 години и од каматата од 3,5%, 1,5 отосто го субвенционира Владата.

- Има периоди кога Владата, има периоди кога Развојната банка од својот капитал. Ако таа има повеќе приходи, самата Развојна банка го субвенционира. Тоа е и целта на Развојната банка. Таму има и други инструменти, не е само кредитирањето. Имате развоен фонд што беше основан фонд за енергетска ефикасност и гарантен фонт, гарантната шема е многу ефикасна и многу мал трошок за буџетот и за банката, а де факто им дава можност на фирмите, тоа што банките имаат потреба за дополнителна гаранција, да се гарантира од државата и, на крај, таму мултипликативниот фактор е 6, што значи 6 пати се зголемува кредитната способност или пристапот до кредитите на фирмите преку банкарскиот сектор, додава тој.