Беснилото кај скопските мачки оди на контрола во Франција

Добивај вести на Viber

Агенцијата за храна и ветеринарство по првичната анализа на мостри од мачките за кои постои основано сомнение дека се заболени од беснило, мустрите од позитивните резултати со методот на фуоресцентни антитела, во насока на нивна целосна верификација, веднаш ќе ги испрати  во референтната лабораторија на Европската унија во Нанси – Франција, за вршење на дополнително лабораториско испитување и финално потврдување на присуството на вирусот на беснило, стои во соопштението на агенцијата. Резултатите се очекуваат за 6-7 дена. Од агенцијата соопштуваат и дека ќе продолжат со задолжителната вакцинација на домашните миленици кучиња и мачки против беснило. Што се однесува до бездомните животни, општините, односно Градот Скопје продолжуваат со заловување на уличните кучиња и мачки. Заловените кучиња и мачки од реонот на Радишани, ставени се под 15 дневен надзор на стручни лица. Во декември минатата година, националната референтна лабораторија за дијагностика на беснило врз основа на докажаниот стандард во однос на валидноста на постигнатите резултати за контрола на беснило, доби овластување од Европската Комисија да врши серолошки тестови за ефикасноста на вакцините против беснило.