Бесплатно летување за најсиромашните ученици
Објавено во: Мои пари 24 Мај, 2013
И следната 2013/2014 година ќе продолжи проектот за бесплатен одмор на деца од социјалните семејства. Според програмата ќе бидат опфатени уште 3.000 деца од семејства во социјален ризик или корисници на социјална парична помош, постојана парична помош и посебен додаток. Програмата ги опфаќа децата од петто, шесто, седмо и осмо одделение, при што 2.000 ќе заминат на летување, а 1.000 во текот на зимскиот распуст.
Како што информираше министерот за труд и социјална политика Спиро Ристовски, децата ќе добијат седумдневен одмор, а сите трошоци ќе ги покрие ресорното министерство.
„Рангирањето на корисниците на услугата за одмор и рекреација на деца од семејства со социјален ризик и деца корисници на посебен додаток, ќе се врши според бодови-до 60 бода за времетраење на користење на правото, 30 бода за деца од еднородителско семејство и 10 бода за деца со инвалидност. Во случај кога лицата истовремено користат повеќе права од наведените, во рангирањето се зема правото кое е поповолно за корисникот“, рече Ристовски.Јавниот оглас за аплицирање за програмата за бесплатно летување, во медиумите ќе биде објавен деновиве. За целопт проект од Министерството се одвоени 15 милиони денари.
Можеби ќе ве интересира
Светскиот ден на вранецот со голем успех на шестата едиција
Почесна диплома за Светозар Јаневски од Меѓународната федерација на вински братства за значајни достигнувања во винската индустрија
ЕСЕНСКА „БУРА“ ОД ВЛТ ДОБИВКИ: СО 1.327.709 ДЕНАРИ ДЕАН АЏИЕВ Е СРЕЌЕН МИЛИОНЕР
Имлек Протеин – Движечката сила на 14 300 учесници на ВизЕр Скопски маратон
Втора посета во рамките на проектот „Малите алкалоидовци го истражуваат ’Алкалоид’“
Зад сцената на серијата Galaxy Buds3: Планирање на производ за супериорно аудио искуство
СКОПСКО успешно ја заврши втората голема акција за чистење на Охридското Езеро
