„БЕВ НАВРЕДУВАН, ИСМЕЈУВАН, ПОНИЖУВАН“: Груевски со детално објаснување за градбите во Скопје - 'што изградија подобро и поубаво?'

“Основачите (се мисли на основачите на државата), во согласност со големите општества пред нив, придадоа големо значење на федералната граѓанска архитектура. Тие сакаа јавните згради на Америка да го инспирираат американскиот народ и да ја поттикнат граѓанската доблест” - пишува поранешниот премиер на Фејсбук. 

По долгото објаснување на потезите на Трамп, Груевски пишува „исто како во Скопје во мандатот кога ја предводев владата, кога се изградија повеќе објекти во историски стилови, класичен и неокласичен стил“.

- Ги броеја инвестираните пари во објектите, мостовите, фонтаните, канделабрите со класичен стил, небаре се што правам ќе си го однесам со мене еден ден, а нема да остане на граѓаните и државата и да привлекува туристи како никогаш претходно.

Го издржав сето тоа. Знаев дека низ историјата сите големи градби и големи промени биле дочекани на нож, а потоа, по една историска дистанца, тие стануваа нешто со што нацијата се гордее, таму сака да се фотографира и да ги однесе странските гости, од таму излегуваат фотографиите и видеата кога се зборува за земјата во некој медиум. Знаев дека јас, моите поддржувачи и нашите наследници нема да се срамиме од изграденото кига прашуната на политичката и медиумска пропаганда ќе падне, а пред очите на граѓаните и туристите ќе останат убавите и истовремено општо корисни градби.

Па така, на сред критиките дека градот го нагрдувам, го правам грд, тој кажа: “ Со ова Груевски си прави вечни билборди”.

Билборд е објект за реклама, а ако производот е грд, не можеш да имаш добра реклама. Ако дотогаш мислев дека можеби се во прашање само различни архитектонски вкусови, што до некаде може да се разбере, тогаш веќе се уверив дека е во прашање страв од долгорочни позитивни политички ефекти на партијата која ја предводев, и во тој дух беше мојот одговор: “а зошто нашите политички конкуренти не изградија нешто различно што би било јавно и за сите граѓани низ годините во кои владееја? Реакцијата за тој проект беше нервоза бидејќи беше доказ дека има пари за се да се гради и создава ако се сака и се знае како - пишува Грувески во објавата. 

А потоа прашува “што изградија подобро и поубаво кога ја имаа власта?”.

Потенцира дека граѓаните на Скопје и Македонија и активисти на партии и НВО кои заради политички причини необјективно го критикуваа проектот, како да ги фати Божја казна: со доаѓањето на СДСМ, освен невпечатливи комерцијални станбени згради речиси ништо ново започнато во Скопје и во Македонија не се изгради.

- Потпишуваа и петиции, слично како кога се градеше ајфеловата кула во Парис, кога речиси целокупната елита на архитекти во Франција жестоко се спротистави на таа градба и потпишувајќи петиција против градбата, отцени и објави дека тоа значително ќе огрди градот Парис и ќе го намали неговиот сјај, прогласувајќи го објектот за врвен кич.

Денес сите знаеме кој е најпрепознатливиот објект во Парис, каде најпрвин одат туристите воодушевени од ајфеловата кула и дали тоа го разубавува или огрдува Парис.

А знаете зошто?

Затоа што одамна тоа е завршена работа во САД, како и во Велика Британија, Франција, Германија, Белгија, Шпанија, Португалија, Шведска, Австрија, Унгарија, Русија, Украина, Бугарија, Чешка, Италија итн.

Уште во времето кога Макеоднија или воопшто немала своја држава, или имала но со силно ограничена сувереност како после 1945 година.

Во сите овие земји, речиси да не постои значајна историска личност, или настан кој нема свој барем еден споменик - укажува Груевски. 

Еве го целото негово обраќање: