Без годишна дозвола – нема собирање шумски плодови!
Објавено во: Агробизнис 09 Мај, 2013
Без годишна дозвола нема собирање на шумски плодови, соопштија денеска од ЈП „Македонски шуми”, од каде посочуваат дека сите физички и правни лица, откупувачи, мора да бидат регистрирани и да имаат посебни дозволи.
Пријавувањето и регистрацијата се врши во 30 подружници на јавното претпријатие, каде како што посочија од Македонски шими, се добиваат и детални информации за целокупниот ситем на одржливо користење, контрола и законски обврски во оваа област.
Во тек е и изработка на информативен материјал за користење „други шумски производи“ кој ќе биде достапен за јавноста преку медиумите во градовите и помалите рурални места.
Во 2012 година беше основан новиот Сектор за користење други шумски производи и заштита на животната средина – екологија, со цел да одговори на обврските и барањата поставени во меѓународните регулативи, но и во домашните законски прописи кои се однесуваат на оваа област. Во април годинава Управниот одбор на претпријатието ги усвои сите потребни законски прописи, правилници од областа на користењето други шумски производи.
Можеби ќе ве интересира
ВО МАКЕДОНСКИТЕ ПЧЕЛАРНИЦИ СÈ ПОЧЕСТО ИМА ДРВЦА ПАУЛОВНИЈА: Кој е бенефитот од нив?
