БЕЗ ИЛУЗИИ: Ципрас обезбеди предност, но проблемите допрва почнуваат!

Добивај вести на Viber

По референдумот во Грција Ципрас обезбеди мала психолошка предност пред европските партнери. сметаат аналитичарите. Сепак таа мала предност воопшто не значи дека проблемите во Грција завршуваат, напротив тие допрва почнуваат. За десетина дена Грција треба да ја исплати и траншата кон ЕЦБ, па за очекување е дека исплата ќе нема како што немаше исплата и за ММФ. Но тоа нема воопшто да им се допадне на Меркел и другарите од ЕУ. Ова значи дека притисокотт кон Ципрас допрва ќе почне и за очекување е во наредните недели да се изнајде какво такво решение за грчкиот проблем кој ја засега цела Европа. Веројатно Ципрас ќе мора да прифати дел од мерките кои му ги бара Брисел, но секако после референдумот тој ја осигура сопствената позиција. Имено беше јасно дека силната европска десница не беше среќна што крајниот левичар Ципрас си поигрува со парите на европските обврзници и бројни беа најавите дека тие ќе сторат се да го симнат од грчкиот трон. Во тоа не успејаа и сега тој останува единствен партнер со кој ќе мора да постигнат договор. Самарас е дефинитивно аут. Ова му е јасно на Ципрас, но остануваат проблемите. Банките се се уште затворени (ќе се отворат во вторник), а Грција се уште должи 339 милијарди евра. Фантастични бројки нели?