Бидете хумани: Трчајте за малечката Тамара!

Добивај вести на Viber

Тамара Димовска од Велес е десет годишното девојче кое има проблеми со искривување на 'рбетот.

На девојчето му останува уште малку време да не остане инвалид додека е жива. Пред една година лекар од Хрватска и ја отстранил металната шипка што ѝ била прикачена за грбот. Причина за тоа било што шипката станала прекуса за нејзината висина и правела дополнителни проблеми. Фондот за здравство одбил да ги покрие трошоците за лекување во странство со образложение дека операцијата може да се направи во Македонија. Семејството тврди за Телма дека тројца раководители на одделенија од Клинички центар се потпишале дека операција тука не е можна бидејќи освен стручност, потребна е и апаратура која ја нема во земјава.

Димовски немаат пари за ова, но велат дека повеќе не можат да издржат како секојдневни сведоци на маките на нивната ќерка. Таа веќе е за 50 сантиметри пониска од нормалното, внатрешните органи и се натиснати, а најголема е опасноста кај срцето и белите дробови.

Инаку, Димовски за операцијата на Тамара досега добиле три опции за интервенции во странство, објавува интернет порталот ВелесТвОнлај.

Бидете хумани и придружете се на Трката за Тамара која ја организира Pink Suppor - Skopje Night Running заедно со Црвен крст  -трчење 5 км каде што за учество во трка секој ќе си остави донација колку сака. За да и помогнеме да има нормално детство кое од секогаш го посакувала. Сите за Тамара!