„НА 42 ГОДИНИ, АПАСИЕВ ДИПЛОМИРАН, МАГИСТРИРАН, ДОКТОРИРАН, СТИГНАЛ ДА КУПИ КОЛА ОД 15-20 ИЛЈАДИ ЕВРА, ЗЛОБЕН НАРОД, НЕ ВОЗИ ФЕРАРИ“: Мухамеди на страната на лидерот на Левица

Добивај вести на Viber

Поранешниот советник во градот Скопје а сегашен адвокат, Умејр Мухамеди, застана на страната на Димитар Апасиев, за кој деновиве се крена фама за купување на ново возило.

„На 42 години, Димитар Апасиев дипломиран, магистриран, докториран, цел живот посветен на наука и учење стигнал да купи кола од 15-20 иљади евра, која можеби и со кредит ја земал. Пред некое време му замеруваа дека купил стан во Аеродром и за летниот одмор во Египет кој е поевтин од летен одмор во Валона.

Абе злобен народ, ниту куќа во Тафталиџе или Водно има купено ниту Ферари вози.Имено со професорска плата и кредит истото е возможно и треба да биде возможно.

Но проблемот е што овој злобен народ не може да трпи некој што цел живот има посветено на учење да крене малце глава и да види живот додека кога некој со средно купено ке му уринира и на систем и на држава и на све со кола од +100 иљади евра тоа му е нормално, тој се снашол, и тој директорот, министерот, заменикот, началникот, шефот на кабинетот итн кој од голтар станал милионер исто се снашол.

Истото го збореа и за мене бидејки бруто плата од 60.000 денари (бруто а не нето) која ја земав само последните 6 месеци бидејки почнав со 33.000 им била голема. Па еве векје 15 месеци не зимам воопшто плата, така да радувајте се.

Го пишувам ова чисто да знаете дека овој народ не цени школуван човек, овој народ сака да те гледа само како се мачиш физички, а не му текнува дека некој цела младост ја поминал над книга.

Не му текнува дека тој лекарот што го лечи за да стигне до таму поминал 15 години во Факултет и Читална. Ама затоа нормално му е истиот да заработува помалку од еден автомеханичар или фризер“, напиша тој на Фејсбук.