БиМилк донираше 200 пакетчиња за децата

Добивај вести на Viber

Новогодишните и божиќните празници беа инспирација за вработените од БиМилк да им подарат над 200 пакетчиња на дечињата со посебни потреби и на дечињата од социјално загрозените семејства од повеќе институции. Со оваа акција беа опфатени дечињата со пречки во интелектуалниот развој од ОУ „Ѓорѓи Сугарев”, слепите дечиња од Здружението за слепи лица, дечињата од заводот за рехабилитација на слух, говор и глас и од Здружението на родители на деца заболени од церебрална парализа, како и од Црвениот Крст од Скопје. Младите волонтери од Црвениот крст и оваа година им ги поделија новогодишните подароци од БиМилк на 50 дечиња од Здружението  на лица со инвалидитет „Мобилност”, а преостанатите 20 ќе ги дистрибиураат во домовите на децата кои заради тешкиот хендикеп не беа во состојба да присуствуваат на прославата. „Новогодишните празници се ближат, а со тоа расте и желбата да ги израдуваме најмладите членови на семејството со подароци. БиМилк оваа година сакаше да им го разубави претпразничниот период на најмалечките и затоа организираше предновогодишно дружење и изненадувања за секое детенце од избраните институции кои работат со маргинализираните групи. Овие дечиња се навистина скромни, тие посакуваат само топла насмевка и малку внимание, а за возврат ни пружаат безусловна љубов и благодарност. Сакаме да ја поткрепиме и поттикнеме мислата на дечињата дека празниците се денови кога се случуваат најубавите работи и се остваруваат желбите, па  затоа се трудиме ниту една предновогодишна еуфорија да не помине без нашето заедничко дружење“, изјави Полексена Ристеска, одговорна за маркетинг  во БиМилк.