„БИТКАТА ЗА БЕЛАСИЦА“: Гаревски контра професорот Марковски, вели дека мостот е сигурен!
Објавено во: Македонија 02 Април, 2025 07:20
Професорот Михаил Гаревски, реагираше на неодамнешното тврдење на проф. д-р Горан Марковски за безбедноста на мостот Беласица, за кој Гаревски вели дека е безбеден.
„БИТКАТА ЗА БЕЛАСИЦА-Иако очекував дека по успешно спроведеното пробно товарење на мостот Беласица ќе престанат непотребните вознемирувања на граѓаните, мојот помлад колега, деканот на Градежниот факултет, проф. д-р Горан Марковски, повторно ја отвори истата тема, создавајќи без потреба загриженост кај јавноста (Топ Тема, Телма, 25.03.2025). Повторно се изнесуваат тврдења за наводна несигурност на мостот, иако пробното товарење е најригорозната метода со која дефинитивно се докажува сигурноста на конструкцијата.
При товарењето, на мостот беа поставени шест шлепери со вкупна тежина од 260 тона, со различни комбинации на поставеност, се гледа од приложените фотографии. Ако проф. Марковски сепак смета дека овие шест камиони не биле доволни, “би можеле без никаков проблем да додадеме уште неколку”.
Во емисијата, колегата Марковски покажа фотографии од лежиштата на мостот, тврдејќи дека тие се изгорени и во неисправна состојба, а дека јас сум напишал во експертизата дека се исправни. Сакам јавно и јасно да потенцирам дека во моите експертизи и ревизии никогаш не давам двосмислени или нејасни заклучоци. И тогаш и сега тврдам и стојам зад тоа дека лежиштата на мостот Беласица не се изгорени и дека се целосно исправни (железото не гори, а нешто друго гори?).
Јавно го повикувам деканот проф. Марковски како порано и да организира прес-конференција и детално да објасни како тоа изгореле лежиштата на мостот Беласица.
Во целост се согласувам со градоначалникот на Општина Кисела Вода дека за вакви сериозни и неодговорни изјави, некој мора да понесе соодветна одговорност. Доколку греши, нека се соочи со одговорноста ТОЈ (Горан) и јавно нека се извини на граѓаните кои што ги вознемируваше 2 години, а доколку е поинаку, подготвен сум одговорноста да ја преземам ЈАС.“, напиша тој на фејсбук.
Можеби ќе ве интересира
СИЉАНОВСКА-ДАВКОВА ОД СОФИЈА: Светот влезе во многу турбулентна фаза
„ВАШ ПРОФИТ, НАШИ ЖИВОТИ“: Викендов ќе има протести во Кочани
МАКЕДОНИЈА ПРВПАТ ДОМАЌИН НА ПАРЛАМЕНТАРНА АКТИВНОСТ НА НАТО: Ќе се обратат Мицкоски и Мисајловски
Годишни новинарски награди на ЗНМ: Храброст, истрајност и професионализам на дело
КОЧАНИ ПУШТЕНО НИЗ ВОДА: Независниот советник Крстевски бара помош
СЕ ЗАПИРА ПОСТАПКАТА ЗА КАРАДАКОВСКИ: ОЈО Кочани ќе донесе наредба
ШЕЕСЕТТА ЖРТВА НА ПОЖАРОТ ВО КОЧАНИ: Карадаковски починал поради 90 отсто оштетени дишни патишта
СИНДИКАЛНИТЕ ЛИДЕРИ ОТИДОА ДА НАПОЛНАТ БАТЕРИИ НА МЕЧКИН КАМЕН - со стиснати тупаници во битката за поголеми работнички плати
Директорката на ДИЖС потврди: Инспектори не земале мостри од Крива Река по хаваријата
