Битолчанец осомничен дека со сукало ја убил сопругата

Добивај вести на Viber

Oсновното јавно обвинителство – Битола до судија на претходна постапка при Основен суд – Битола достави Предлог за определување на мерка – притвор против едно лице за сторено кривично дело Убиство од чл.123 ст.2 т.2 од Кривичниот законик.

„Предлог е доставен поради постоење на основано сомнение дека осомничениот на 13 март, поради претходно нарушените меѓусебни односи, во дневната соба од заедничкиот дом со вршење на семејно насилство ја лишил од живот оштетената – неговата сопруга Е.М.Д. од Битола. Осомничениот со повеќе удари со тапо тврди средства – дрвени сукала ја удирал по главата оштетената нанесувајќи и повеќе повреди, од што настапил смртен исход“- стои во соопштението од ОЈО Битола.

Постапката по наведената кривична пријава е во тек.​​ 

Битолчанецот вчера во 9.50 часот пријавил дека ја нашол својата сопруга мртва во нивниот семеен дом во Битола.

Според пријавата на 53 годишниот битолчанец, жената на возраст од 47 години била падната на подот облеана во крв во горниот дел на телото. 

По извршениот увид било констатирано дека се работи за убиство. 

Сопругот пријавил дека вчера излегол на пет минути во периодот од  9:35 до 9:40 часот и отишол во гаража, претходно заклучувајќи ја влезната врата од станот однадвор.