Битолчани им ја продадоа една од најпрофитните македонски компании на Британци
![](/media/main/2021/09/20210930232025.jpg)
Објавено во: Економија 01 Октомври, 2021
Една од 100-те најпрофитабилни македонски компании ЕРИ Корпорација е купена од британската Volution Group plc за непозната сума на пари, а новиот сопственик го превзема битолскиот произведувач на опрема за климатизација од браќата Пецо, Борче и Зоран Талевски, како и од Митко Кокиноски.
ЕРИ Корпорација е четврта најуспешна компанија од Битола според остварениот профит во минатата година. Компанијата која своите производи ги пласира ширум пазарите во Европа лани оствари приходи од 10,7 милиони евра, што е за седум отсто повеќе од една година претходно. Профитот изнесува 2,2 милиони евра, а профитната маржа во однос на приходите е 20,6 отсто што ја прави една од најуспешните во земјата во овој сегмент. Во 2019-та профитот беше уште поголем и изнесуваше 2,5 милиони евра.
Еден од сопствениците, Пецо Талевски, не сака да зборува јавно за преземањето, но вели дека компанијата е брзорастечка, со оглед дека е формирана пред шест години, а поголемиот дел од уделот го поседуваат Македонци, но и дека имало странски соработници.
- На приходите и добивката може да се гледа позитивно, но треба да се знае и дека голем дел од инвестициите се должат на кредити кои треба да се враќаат. Инаку превземањето од британскиот купувач се случи со помош на една странска фирма-посредник, а ние во моментов имаме помеѓу 220 и 230 вработени, но сега не би сакал да зборувам јавно за тоа бидејќи има и други сопственици и за тоа е потребно заедничко мислење, вели Талевски.
Volution Group plc е производител на опрема за вентилација за комерцијални и станбени клиенти. Со седиште во Кроули, Западен Сасекс, компанијата е котирана на Лондонската берза и е составен дел на индексот FTSE 250.
EРИ Корпорација ДООЕЛ Битола е компанија во која има и странски капитал и еден од најголемите светски производители и извозници на топлински разменувачи и вентилациски компоненти.
Минатата година се најде единствено зад Битолска Млекара, Цермат и Марковски компани според остварената добивка во Битола за годината 2020.
А.К.
Можеби ќе ве интересира
ГРЧКИОТ АКЦИОНЕР ЕЛ.П.ЕТ БАЛКАНИКИ ЈА ЗАСИЛУВА СВОЈАТА СОПСТВЕНОСТ - сега поседува 82,1 отсто од скопската рафинерија
![](/media/main/250x170/2024/07/20240727081739.jpg)
КОМПАНИИТЕ ОД ЛИСТАТА FORTUNE 500 ИЗГУБИЈА ОКОЛУ 5,4 МИЛИЈАРДИ ДОЛАРИ - причина е грешката во CrowdStrike
![](/media/main/250x170/2024/07/20240727073711.jpg)
ЕВЕ ШТО СЕ СЛУЧИ ДЕНЕС НА РАСПРАВАТА ЗА РЕБАЛАНСОТ НА БУЏЕТОТ: Лукаревска ја прекина седницата, истата ќе продолжи утре
![](/media/main/250x170/2024/07/20240726200153.jpg)
ИНДУСТРИЈАТА ЗА ЛУКСУЗНИ ПРОИЗВОДИ ПОКАЖУВА ЗНАЦИ НА КРИЗА: Колку познати брендови ќе исчезнат за пет години?
![](/media/main/250x170/2024/07/20240726195608.jpg)
ЕВЕ КОЈ ДЕЛ Е НАЈПРОБЛЕМАТИЧЕН ВО ИЗГРАДБАТА НА АВТОПАТОТ КИЧЕВО - ОХРИД: И покрај проблемите, ќе биде изграден до 2026 година
![](/media/main/250x170/2024/07/20240726181230.jpg)
КОЈА Е ЦЕНАТА ШТО ЌЕ ЈА ПЛАЌААТ СКОПЈАНИ ЗА ПАРНО? Еве кога ќе се дознае износот
![](/media/main/250x170/2024/07/20240726165723.jpg)
КОМПАНИЈАТА ВИНОВНА ЗА ОГРОМНИОТ ПАД НА СИСТЕМОТ, НА РАБОТНИЦИТЕ ИМ ДАЛА ВАУЧЕРИ ОД 10 ДОЛАРИ: И тие не работеле!
![](/media/main/250x170/2024/07/20240726161246.jpg)
ГОРДОСТА НА ГЕРМАНИЈА НА КОЛЕНА: 30.000 работници останаа без работа - евидентирана загуба од над една милијарда евра
![](/media/main/250x170/2024/07/20240726161742.jpg)
НЕМА ЛУЃЕ ЗА МЕНАЏЕРСКИТЕ ПОЗИЦИИ ВО ФАБРИКИТЕ: Производителите се соочуваат со големи проблеми
![](/media/main/250x170/2024/07/20240726154654.jpg)